關島美食停不了~ 之前都分享過少少關島美食，而家小資女今次一次過介紹係關島試過既6間餐廳比大家～ 認真咁講，關島食飯係唔算平，始終都叫美國，食物價位都比較高嘅～ 因為小資女一家要買上網卡，所以放低行李就去左Micronesia Mall~ 見肚仔餓就食左飯先，我地去左一間日本餐廳~ 行哂成過Micronesia Mall~最正常係哩間~~ 其他餐廳多數係哂美食廣場~ 第一間 Sushi Rock @ Micronesia Mall https://www.facebook.com/sushirockguam/ 呢間餐廳有free wifi 架! 餐廳係食日本菜~ 拉麵~咖哩飯~壽司~都有~ 壽司仲有好多款式 嘩~~刺身都有~ 最好味的麵豉湯~哈哈~~老公最愛~ 虎媽定食套餐~天婦羅炸得都唔差~ 姐姐和老公都叫咖哩飯~幾好味~份量都好多~~ 其實一個人食完都好飽~ 今餐我地四個食左68.71美金~~平均當140港元一個人~ 食評：(5星為滿分） 食物: *** 餐廳環境：*** 服務：*** 第二間 Capricciosa (Italian Restaurant) http://menu.gu/r/capricciosa 哩間好多好多遊客都會黎呢間餐廳食飯架!!!好多旅遊節目都必定會介紹~~ 就等小資女來試下你~~ 一去到已經好多人等位~~小資女心知不妙~~好彩其他人都係等室內位~~ 如果坐室外可以立即入座~~YEAH~~ 影下MENU先~ 餐廳主要係西餐~~ 墨汁意粉係必點~ 其實餐廳PIZZA都好出名~~可惜PIZZA今次無被小資女一家寵幸~~嗚嗚~ 焗田螺~一客得六隻~~起碼要叫兩客先滿足~~ 炸墨魚圈~~太稔~~唔推薦~ 最有名氣的墨汁意粉~~都幾好味~~仲好大份~~3個人食一個就差唔多~ 蕃茄意粉~~無咩特別~~一樣都好大份~~ 最後室外都坐滿人~其實晚上坐室外都無所謂~~關島夜晚一D都唔熱~~但係中午大家就唔好試~~會熱死~~ 今餐我地四個食左80.39美金~~平均當160港元一個人~ 食評：(5星為滿分） 食物: **** 餐廳環境：*** 服務：*** 第三間 Core BBQ Garden and Bar http://coreguam.sunnyday.jp/ 虎媽話想去食龍蝦呀!!! 所以小資女係未出發之前BOOK左哩間餐廳~~ 最值得讚既係餐廳包接送來回酒店~~正呀~ 嘩~椰子蟹好貴!~150美金一隻XXXL 原來餐廳係日本人開~ 飲品種類都好多~ 大家可以睇睇MENU先~ 唔知點選~唔使驚~~有好多SET比大家選擇 老公同虎媽都點了~龍蝦加西冷牛扒~ 姐姐點了~豬肋骨~ 小資女自己就點了蒜香牛油蝦~ 哩個都好吸引~~心心眼~~ 小資女既前菜~~我唔客氣啦~~好好味既餃~~ 其他SET既前菜係沙律~~ 小資女又開動~唔客氣喇~老公個沙律都比我食埋~~哈哈哈哈~ 蒜香牛油蝦~~必試~D飯太好食~小資女要暈了~~ 姐姐個豬肋骨都唔錯~~ 龍蝦煮前會比客人睇下~~可以攞嚟影相喔~ 龍蝦上碟啦~~ 等小資女又影一張相先~~ 龍蝦都唔錯~~不過西冷牛扒就好差~~小資女建議直接選龍蝦餐~~唔好配其他~~直接選龍蝦SET~~隻龍蝦會大隻好多~~老公都後悔~~哭~~ 今餐我地四個食左194.98美金~~平均當380港元一個人~ 值得一讚係餐廳包來回接送, 因為關島車資好貴喔 食評：(5星為滿分） 食物: **** 餐廳環境：**** 服務：**** 第4間 藤一番拉麵 http://www.fujiichiban.jp/english/store.html#guam 話說小資女中午諗到食咩~~老公話想試下哩到D拉麵~~所以選左哩間~~ 剛剛12點入店都唔係好多人~~但大約半個鍾後~出面排哂隊~~好誇張喔~ 店內位置唔多~想試要早D嚟喔~~ 剛剛開鋪~~有D忙~~ 影MENU~係指定動作~ 左手邊透明個壺唔係水嚟~~係糖水~大家記住啦~ 有好多款拉麵選擇~~仲配好多種湯底~ 係炎熱既關島食涼麵好似都唔錯~~ 仲有炒飯同飯團~~ 飲品就無咩選擇~ 今次小資女一家坐吧枱~~ 虎媽點解今日戴左帽~~ 有罐裝烏龍茶~姐姐最愛~ 餃子唔錯~~可以一試~~ 動物大軍~準備一齊開動~~ 味噌拉麵~~虎媽話咸左D~ 小資女同姐姐既豚骨拉麵都OK~ 老公點既醬油拉麵~~係三種之中最好食~~醬油拉麵大勝!! 支Tabasco同可樂一樣Size...... 食評：(5星為滿分） 食物: 非常好吃 *** 餐廳環境：*** 服務：*** 第五間 Meskla Dos http://menu.gu/r/meskla-dos 聽講哩間餐廳攞過獎~~所以小資女唔肚餓都特登嚟試下~~ 哩間分店比較細間~~ 好吸引WO~~流哂口水~ 由於哩間係快餐店~~所以要自己去點餐~ 有牛,豬,雞,海鮮漢堡選擇~素食都有得選~ 因為唔肚餓既關係~小資女一家只係叫了三個漢堡~ 牛肉漢堡~ 雞肉漢堡~最好味~~小資女覺得~ 蝦漢堡~ 其實小資女鍾意薯條多D~~因為加左黑椒味GA!!! 今餐我地四個食左37.15美金~~平均當73港元一個人~ 食評：(5星為滿分） 食物: *** 餐廳環境：** 服務：無服務~因為係快餐廳~ 第六間 魚○本店 Nippon Shokudo http://ultraguam.com/eat/nippon-shokudo-uomaru 終於到最後一間~~反而哩間無做咩資料搜集~~但最後食完又覺得唔錯~ 大門口小資女成日經過~~夜晚好多人~反而中午唔使排隊~ D枱同櫈都幾特別 又係點菜既時間~~ 出面好熱~~入到嚟要抖下氣先~ 虎媽虎視眈眈~ 又Lunch SET 選~ 海鮮炒飯唔錯~~ 雞翼好好味~~ 小資女叫左鰻魚飯~正~老公叫左個天婦羅烏冬~~佢都讚好食~~ 因為食完哩餐要準備返香港......有D食物都唔記得影...失敗~~ 最失敗係呢餐忘記影低價錢..........唉 哩間係值得去試!! 食評：(5星為滿分） 食物: **** 餐廳環境：**** 服務：*** 小資女Facebook: https://www.facebook.com/Camcamlife/
