我地2017年3月尾去左關島幾日，分別入住左2間酒店，先同大家分享一下第一間入住酒店 我地入住Guam Reef and Olive Spa and Resort 2 晚，預訂了海景房 （ocean front, infinity tower) , 平均每晚房價係大概港幣$1500 ～ 呢個價錢嘅海景房係關島黎講算係平! Guam Reef and Olive Spa and Resort http://guamreef.com/en/ 酒店分開有兩座~~ 到埗酒店嘅時候見到佢地個大堂好自然咁嘩左一聲！ 酒店最大賣點係有個無邊際泳池 泳池每日都好多人~~ 原來酒店個泳池係無邊際泳池，同杜夢灣係連成一線！感覺就好似明信片咁！好靚呀！ 因為泳池唔係好深水~~所以有好多小朋友` 上到房間，感覺有點舊舊的～ 房間面積係好大嘅～ 有兩張雙人床 有飲水機，但沒有枝裝水提供~ 有小小的衣櫃同拖鞋~ 簡潔的洗手間 有浴缸，還好喇～ 有洗屁屁的洗手間~~ 黎到最開心嘅環節 — 無敵大海景露台！ 鍾意的話可以坐係露台~歎下海景都唔錯喔~ 一望無際既海景~~ 雖然酒店嘅房間唔係靚，但無敵大海景真係令你覺得嘩然！ 關島個海既顏色好靚~~層次好分明~~ 介紹完房間我地睇下酒店泳池同沙灘呀~ 酒店泳池唔算大, 如果有小朋友嘅家庭就放心比小朋友係泳池玩喇~ 拍照的時間係四點幾~~所以陽光差少少~ 酒店入住的客人主要都係日本人同韓國人~ 另外, 泳池影相都一流架! 小資女都拍張泳照先~~ 當有陽光既時候~~相都影得特別靚~~ 當小資女努力影相既時候~~老公已經自私游左成個鐘~~嬲~~ 有個細細嘅按摩池 泳池邊無端端有個美人魚像..... 好快咁又黎到酒店嘅海灘區~ 沙灘就算唔係住客都可以入喔~~ 想玩水上活動~~可以去沙灘旁邊既店鋪到~~可以租用同參加水上活動~~ 沙灘D沙都幾幼~~但間唔中都有D石仔~~ 行到好出都好淺~~唔識游水既朋友都可以玩水~~ 左邊係Westin, 右面係Guam reef hotel 大家要做足防曬~~大陽好毒~~ 嘩~~水好清呀~~ 係近岸都見到魚~~正AR~~ 再黎就係關島出晒名嘅白色小教堂, Guam Reef Hotel 都有一個喔~ 教堂係泳池旁邊~~ 不過平時唔開放俾人參觀~ 教堂內部好簡單~ 證婚時可對住大海景!好靚呀~ 我地仲試左酒店lunch buffet~ 餐廳都係泳池同一層~ 平時唔使BOOK 位~~因為都唔係好多人~ 餐廳有泳池景 老公又打機~~ 麵包款式一般般~ 有款中式湯~同有蒸包同點心~~ 汽水~要自己斟~~仲有關島特色汽水~~ 反而PIZZA OK好味~ 炒麵同炒飯~ 有薯蓉~我鍾意~ 生果得菠蘿同蜜瓜~係少左D~ 其他熱食都係好普通~ 最受歡迎係即燒牛仔骨~~真係幾好味~ 自助沙律吧~ 反而甜點有5,6款~~ 有ＳＵＳＨＩ同越南春卷 最重要有日式咖哩~~正~ 小資女開動了~ 關島CHAMORRO PUNCH~~ 哈哈~~個味道好似熊仔糖味~ 哩餐 4 個人食左 $83.6 美金, 平均$21美金 一位~~係酒店食算好經濟~~ 總括~酒店位置方便~最出色係酒店泳池~係房間比較舊~如果要住推薦海景房~~海景一流~~ 最後評價(5星為滿分） 酒店設施 **** 酒店服務 *** 推薦度 *** 小資女Facebook: https://www.facebook.com/Camcamlife/
