終於打到最後一篇了~~ 原來帆船酒店門口有高爾夫球車BUGGY 載住客出入, 住客可以去Jumeriah 集團其他酒店食飯, 行街（係帆船隔離有3，4間同一集團酒店），Wild Wadi (WATER PARK) 同私人沙灘，只需要係 酒店門口排隊，同職員講聲你去邊，show 一show 酒店房卡就ok! 住帆船酒店就可以免費入晒其他酒店參觀，享用佢地嘅設施都得架～ 但如果住集團其他酒店，就唔可以免費入帆船酒店喇，要留意呀！ 我地就去左Madinat Jumeriah Hotel 影下夜晚嘅帆船酒店! 帆船酒店朝早同夜晚都係咁好影~ Madinat Jumeriah Hotel 其實哩個位係酒店泳池既酒吧位~~但唔知點解無開~~可能太夜~~ 碼頭附近有幾間餐廳~~氣氛都好熱鬧~ 酒店夜晚會不斷變色~~大約15分鐘轉一次~ 周圍搵地方影相~~都影個幾鐘>.< 回程返酒店時 Buggy Driver 仲好熱心咁問我地要唔要停車影相, 仲幫我地影左張大合照添! 我地去到酒店門口落, 同buggy driver 講~隨便放低我地就OK, 因為我地想邊行邊影相呀! 帆船酒店隔離的jumeirah beach hotel 夜晚一樣咁靚~價錢有時港元2千幾有交易 我地嘅住宿包早餐, 有兩間餐廳比我地揀, 但我地兩日都係去左同一間餐廳.... 因為款式太多, 一日食唔晒想試嘅食物.... 我地去嘅餐廳 BAB AL YAM, 提供西式早餐, 另一間可以去嘅叫 JUNSUI, 提供亞洲食物. BAB AL YAM餐廳入口 大家開餐啦!!點擊圖片放大 早餐仲有PIZZA食添~~~ 阿拉伯咖啡,未試過一定要試~~哈哈 有好多麵包種類 款款都好似好好味~~ 餐廳環境好舒適~~好多食物都可以叫廚師即刻煮~新鮮熱辣 餐廳外面係一個小小泳池,適合小朋友(當時酒店有一新泳池興建中, 真的很想再次入住) 由於餐廳食物的種類太多, 所以第二日再次係度享用早餐~好滿足~~ 早餐就食飽喇!!!!! 咁帆船酒店有咩玩？ 係咁熱嘅中東，游水係一定會做嘅環節！ 其實入住帆船酒店同其他Jumeriah 集團嘅酒店，都可以免費入Wild Wadi 水上樂園架！ https://www.jumeirah.com/en/hotels-resorts/dubai/wild-wadi/ https://www.jumeirah.com/en/hotels-resorts/dubai/wild-wadi/rates/complimentary-access-to-wild-wadi/ 因為今次同埋媽媽一齊，我就無入到wild wadi 玩⋯ 反而去左帆船酒店嘅私人沙灘！ 成個沙灘都坐滿人呢！ 係到訓下先~~爽呀~~ 突然有酒店職員派雪條比我地食，仲要係免費架！酒店真係貼心！ 沙灘D水都好清~~係到游水一流~~ 玩完水之後，我地就去左Madinat Jumeirah! https://www.jumeirah.com/en/hotels-resorts/dubai/madinat-jumeirah/facilities/souk-madinat-jumeirah/ 係商場方向影帆船酒店 Madinat Jumeirah 有個室內市集，入面有好多店舖，紀念品店，餐廳，咖啡店等，我地係果度行左好耐，買左好多野呀！ 商場唔算好大~~不過都幾好行~ 商場地圖~~ 小資女買左隻隼既公仔~~做記念品~~ 可以穿係手到架~~好得意 部分戰利品 又到晚餐時間~~ 白汁煮青口~~好夠味~~ 和牛漢堡都唔錯~~ 有炸魚薯條~~好正呀~~ 係個意大利飯失色D~~點解係得小資女揀錯~~哭~~ 哩間餐廳食物都幾好~~價值就同大家平時係中環食差唔多~~ 乘坐WATER TAXI的碼頭，持有帆船酒店匙卡係免費住Water taxi喔！ 準備上船了~~ 小資女好滿意今次入住既酒店~~小資女一定會再黎~~ 最後評價(5星為滿分） 酒店設施 ***** 酒店服務 ***** 推薦度 ***** 小資女Facebook: https://www.facebook.com/Camcamlife/
