講明先，好多人當左鼻鼾槍係最終極手段，所以我每次出post share，下面都連住一大抽「點解你唔用呢樣、點解你唔用個樣」！其實我都答到幾煩，各位絲打、巴打，如果我唔係試過曬所有野都唔會比多啲錢去做鼻鼾槍療程啦！我分享自己做Fotona 4D 鼻鼾槍既經歷係想造福同我一樣既扯鼻鼾人，同埋睡眠窒息症......同埋鼻鼾人嘅屋企人、老婆！最重要係唔好影響夫妻、拖友感情呀嘛係咪！口膠紙、鼻貼、耳塞試過曬，無用！其實我有鼻鼾呢個問題就好耐，不過之前一直都搞下唔搞下，不時就用啲口膠紙、鼻貼呀鼻夾個啲，老婆又買過耳塞......都係個啲啦，不過對我地兩個都唔work，我哋根本唔習慣戴住野訓覺，佢瞓唔著，我就覺得好似呼吸唔到咁、好辛苦，佢又唔慣塞住耳仔，因為擋極都得70%倒，一黎仲聽到鼻鼾，但係就聽唔太到朝早個鬧鐘......搞到佢遲到左幾次，佢好炆、我都好炆！分房又搞到愈行愈遠、感情淡曬......其實瞓得唔好真係超影響精神同情緒，我有睡眠窒息症一晚訓訓醒醒幾十次，我老婆每次比我嘈醒都會踢我打我，搞到我醒為止，兩個真係差啲大打出手......我老婆真係頂唔順話要分房訓，所謂分房其實係我訓梳化佢訓房（我地間屋豆腐咁細梗係得一間主房）......佢就訓得好梳乎，我就訓到背脊都硬曬，腰痠背痛，老實講咁樣真係好影響夫妻感情，我地雖然無講但都覺得夫妻感情淡左......佢每次提起叫我搞掂佢，我都有啲「你死你事」既FU，喂大佬我已經咩都試過曬啦，佢知架喎，我都有付出努力，而成皮野部呼吸機又驚買到返黎唔岩用、訓唔著會曬錢，而且一用得呼吸機就唔可以斷纜......呢樣野其實我地都掙扎左好耐架啦，最後都唔捨得落手買......畢竟之前買過大大小小既鼻鼾用品，全部用用下都唔用、都未用慣就已經唔用，徒曬啲錢！所以真係好掙扎好猶豫要唔要買個正壓呼吸機......識有朋友用左好好、但亦都有朋友買返黎用左一次之後就完全無用，擺喺個度封塵......哇，咁貴變左一樣屋企裝飾品？我真係接受唔到囉！呼吸機唔捨得買，所以用試用價試下Fotona 4D 鼻鼾槍！Fotona 4D 鼻鼾槍呢樣野其實外國好多人用，但唔知點解香港就好少人討論，而且其實連醫院或耳鼻喉專科個啲都有提供，但可能因為安全性高？其實勁多勁多美容院都有提供，我就求其搵左一間最平既做，就係 Perfect Men。我簡單講下其實係點做，基本上就係去見人先，顧問會好詳細同你傾下你覺得自己有咩問題，然後會同你檢查下，當然唔係你話有咩問題就係架嘛，佢地都會睇下係咪真、比唔比你做！個日就係老婆陪我去既，再唔搵啲方法搞搞我地個睡眠問題，我諗都真係炒大鑊都似。檢查之後就話我個吊鐘真係好大、好垂，呢個應該就係遺傳，我阿爸好似都係咁，所以我喉嚨口成日都好似有野掂住咁好痕、成日都咳......其實個療程原理就好簡單，想像下用熱力將個吊鐘射熱，大概去到六十幾至七十幾度啦，好似燒肉咁，吊鐘個軟組織就會受熱收縮變細.....好多人都好擔心：喂！唔得架喎！突然燒縮左個吊鐘（或者口入面其他肉），如果做得唔好呢？如果反悔呢？如果無效呢？點算！有無副作用架！有無後遺症架！我想講聲Fotona 4D 鼻鼾槍唔係切扁桃腺呀，如果係我都唔會去啦，聽講割扁桃腺之後恢復期超痛苦架，而且都係一個開刀手術，我都唔敢搏！（我係想搏我去買左呼吸機啦）上網睇醫生話 Fotona 4D 鼻鼾槍大概可以維持兩年時間度，如果你覺得work，咪等個吊鐘再生返、或其他口腔組織縮左既地方再生返，然後再做囉，好小兒科！不過，拿，我呢度都講明先啦，呢個Fotona 4D 鼻鼾槍，即係用射頻去加熱吊鐘或者其他組織既方法淨係適合輕度患者，如果好嚴重可能未必得架，即係檢查完之後可以做就試下做囉！其他嚴重患者去搵返專科醫生啦！Fotona 4D 鼻鼾槍的治療過程其實成個過程超級快，快到你唔信，我覺得好似十分鐘就搞掂，首先就檢查下口腔搵有咩問題，然後同你商量，之後瞓喺度口腔噴麻醉噴霧，之後就會將個鏡同探頭擺入你個口，比你感受下射頻個能量先，之後就用探頭對準個有問題既（通常係生得太肥大）既組織開始加大能量，能量加大既時候會fu到熱熱地，愈黎愈熱，但唔會熱到頂唔順.....亦都唔痛，就喺你覺得哇好熱既前一秒，就完左。前後連準備連盛都唔洗十分鐘，快到我真係好懷疑有無用！anyway，反正唔係好貴，咁都算比個機會自己啦，至少我唔係買左件貴野放喺屋企。顧問同我地講埋注意事項個啲就完左（都無咩需要注意其實，唔好食咁熱囉？）之後走人！我老婆不斷問我有咩感覺，其實我都唔知點答佢，唔痛既，不過fu到個吊鐘熱熱地、腫腫地？大概就係咁，搞到我之後一路都好驚自己浪費左錢添。Fotona 4D 鼻鼾槍有用嗎 ? Fotona 4D 鼻鼾槍有效嗎？巴打們、絲打們！神奇既事情發生啦，因為我一直都好留意個吊鐘既情況，唔止朝早夜晚刷牙，我甚至戴左塊細鏡仔，一日睇幾次，但鬼知咩？睇黎睇去其實都好唔確定究竟個吊鐘有無縮細到，好似有又好似無......搞到我有啲心緒不寧，如果連呢招都唔掂，唔通真係要做手術切啲咩？但覺都係要瞓，我自己唔覺，好似一星期之後我慢慢無再紮醒，可以一覺瞓到天光唔洗瞓瞓醒醒幾十次！我老婆仲開心過我，話而家再喺房都聽到我喺廳傳入去個啲死人鼻鼾聲，終於可以返到未嫁之前咁瞓天光（佢自己講架），我搬返入房、試左兩晚度，真係無咩事喎又，於是佢就正式同我一齊同房瞓返啦，我地個種失而復得個種開心 ……我都唔識形容！終於搵到方法解決左困擾我地兩個既問題，唔好講笑，個種心情好似再一次過蜜月咁。其實我一早知外國好多人做呢個架啦......不過自己一直唔敢試咋，而家試左先覺得點解唔早少少試！早啲試唔洗頂咁多晚呀！做一次最多可以頂1至2年，睇每個人造化同恢復能力啦！如果我又鼻鼾聲大到打雷咁，我會再去！p.s. 巴打、絲打們唔好再pm我啦，我咪講左喺邊度做囉（你地一定無認真Ｊ文），我好人啲再擺條link喺度啦：Perfect Men Fotona 4D 鼻鼾槍療程
