利申咗先，S6 溶脂修形同冷凍溶脂我都有做，全部真金白銀用自己錢去做既！絕非軟廣！絕對唔係軟廣！不過如果唔信我既人可以點右邊交叉啦！好多人一黎就插我，點解減肥要走捷徑、俾錢做療程！點解唔食少啲或者做運動？就算真係唔做運動都管住把嘴啦！係，我認同！我一開始都覺得減肥就係要對自己夠狠，只要夠狠、只要唔食嘢先有可能成功！同埋通常大家都覺得減肥就要一次到位，如果唔係減黎做咩？但我同大家講，若果只關注食嘢，仲要係戒得勁清唔食零食個款，咁樣好快就會反彈，而且個腦都會變得太在意卡路里而變得好失常！之後我會慢慢講，今篇重點係減肥療程，講左我join過既減肥療程先！療程篇——大肥仔減肥第一階段：冷凍溶脂一係唔減、一減梗係想一次性減曬！上網做左啲功課所有人都話冷凍溶脂效果最好最威最犀利，所以我就直接揀定要做冷凍溶脂，跟住只係比價問題，有啲美容院既冷凍溶脂有得免費試做，不過上網好多人都話免費試做既話無野睇到架，因為只係會求其做吸兩野，算係比你感受下囉......而且聽講脂肪層厚啲，減肥效果就會好啲！咁我呢個肚腩就岩做冷凍溶脂啦！我係咁諗，冷凍溶脂快速幫我減左27%脂肪，開左個好頭，之後我就會更加有動力減落去！個日去到我揀左好耐既「貴價名牌」美容院，招呼好好、服務都好周到.....但成個療程既價錢就比我想像中貴，我用試做價做左一次先，做完其實純粹覺得凍凍地都無野睇到，但佢地就要我今日之內落決定，可以落左訂先，而且比左個限定無敵優惠價我，過左今日就無架啦！其實我個心都係想買冷凍溶脂既，遲買不如早享受，於是我就乖乖比左錢......咁就開始左我既惡夢！其實我都唔知責任點分，我都有50%責任既......我本身皮膚唔太好，轉季或天氣太乾燥有時候會有少少過敏，有時候朝早起來都會眼皮、眉心或者塊臉頰紅紅地咁，但唔係咩大事我都無咩留意.....結果我一做正式、長時間既冷凍溶脂療程，我就起左疹！成個肚腩痕到爆！一開始個肚淨係又冷又紅無咁痕，治療師仲話呢個反應係正常架叫我唔洗擔心.......點知當晚愈黎愈痕，起曬紅色疹仔，我又唔敢抓，只可以不停搽Lotion，到第二朝立即去睇醫生......醫生問完我做過咩之後話我係咩凍到起蕁麻疹，開左啲過敏藥同藥膏比搽，叫我唔好再去做凍冷溶脂.......我岩岩先買完淨係做左一次，點會聽佢講？我諗住可能自己免疫力弱咋，於是照約第二次，去之前瞓得好飽儲下免疫力，結果......第二次做完我就即刻起疹，仲快過第一次，於是我又去睇醫生拎藥食......去一次食一次藥都唔係辦法！而且冷凍溶脂做完我真係無野睇，做完個一星期好似真係瘦左，但Keep唔得耐，個腰圍既半cm又反彈，簡直做完等於無做！我梗係想去做埋個Plan，大拿拿比左五萬幾蚊！五萬蚊仲分緊期！但真係唔敢去，我驚我去完之後又發作又要去食藥，逐個月食藥真係好傷身，佢地好似仲建議一個月上去做兩次添......總之我暫時實行施字訣......等到之後睇下點先！而且我太耐無做，之前冷凍溶脂減左少少既都彈返出黎，就等於浪費左2次冷凍溶脂療程！我喺度奉勸大家，如果你皮膚唔係太好、又可能成日過敏，就唔好隨便亂試或者亂買冷凍溶脂療程，而且我做完2次的確係無咩野睇到！之後我就轉左去做熱既S6 洽脂修形療程！療程篇——大肥仔減肥第一階段：S6 溶脂修形療程 低能量生物激光溶脂見過鬼都怕黑，因為唔想白花另外一個五萬，所以當我又想買療程既時候（呢個時候我已經靠自己飲食上既嚴格控制努力減走10磅），我今次就勁勁勁謹慎！今次當然一定要揀熱既！我睇左好耐，RF視頻、超聲波係好好，但都超級爆炸無敵貴......最後我衡量左好耐，就揀左Perfect Men既S6溶脂修形療程（以下簡稱S6，唔想打咁多字）試下咩料、咩感覺先！佢係低能量生物激光，即係所謂既激光溶脂、熱能溶脂啦，多既唔講，可以自己上網Search，簡單黎講就係用熱力熱溶脂肪細胞入面既脂肪，至於製造熱力既係超聲波、射頻或者低能量激光其實都得，不過溫度可能會有分別囉......我聽人講S6之類既熱能溶脂比起冷凍溶脂，減肥效果會快好多！其實呢個時候我都已經適應左減脂餐，只不過想搵個平平地療程去助力，等我可以減得快啲又無咁鬆......我本身咁肥，驚愈減愈皮肉分離呀！上去做療程就無咩野好講，值得講既係試做完一次之後已經有效果睇到，而且無冷凍溶脂減得咁少！做完之後感覺皮膚同肌肉都實左、而且成個人新陳代謝好左（唔排除我平時屋企做下健身運動都有幫助啦），肚腩係肉眼可見咁縮左水，但我驚純粹係「霎眼嬌」，所以等左三日先去量，但係真係細左，雖然只得0.5cm，但真係實打實、好快見效，比冷凍溶脂快得多！冷凍溶脂好明顯唔適合我，所以我都好開心S6 個熱能溶脂有料到！如果唔係我都唔知要揀咩療程減肥好！（唔好笑，對於晚晚OT無得運動既人黎講，減肥療程真係好重要，唔講得笑！)搵岩左療程隨時令你減肥速度快３倍，短時間之內就有人同你講「哇，你真係瘦左好多喎！」因為S6真心平，所以我都買左10次貨仔黎玩下，個度唔係好多錢，但我覺得作為減肥既助力係work，係神助攻兼可以keep住唔反彈！就咁啦，我知呢個post出左都會好似我其他減肥post咁，好多人黎PM我想要雞胸肉、低脂高蛋白零食、雜糧棒個啲網址，我都擺 Perfect Men S6溶脂修形個網址喺度，大家有興可以睇多啲資料，自己上網做下功課！講完療程，更多人更加想知道我真正有用既減脂三餐點食！我循例都講下次前走過既彎路先，希望你們引以為鑑唔好學我！大肥仔減肥第一階段：黑咖啡 ＋ 梳打餅上網好多人話其實減肥七分靠食，我十分極度認同，而且我覺得本身好肥既我一減就好明顯......所以我當初一黎就好狠，差唔多每日只係飲咖啡同食梳打餅......因為我真係好肥（呢度就唔透露有幾多磅幾多Kg啦）、皮膚又差，係坐地鐵都無人肯住我隔離個款，因為無人會想坐半價位......個陣時無諗住運動先(因為日日都要OT無時間、無精力)，所以初期只能節食，好多人會準備麥皮、水煮蛋、雞胸肉同水果個啲，但我怕麻煩而且朝早又起唔到身......所以三餐都係白麵包、黑咖啡同梳打餅就算，睇下減到幾多磅.....但我堅持左三日就已經胃痛，胃痛到瞓瞓下醒咗，我狂食梳打餅仲好似愈食愈餓、愈打愈唔滿足，而且狂飲水頂餓搞到個胃超級唔舒服，返返下工、出去曬一曬就暈暈地......真係好驚！唔係講笑，我最驚係真係暈左喺街，又要麻煩同事叫白車、又要同醫生講原因，我仲唔比人笑到面黃？？？大肥仔減肥減肥第二階段：正常減脂飲食見過鬼都怕黑，以我既磅數噸位，淨係食少少餅仔同飲水梗係想暈又胃痛！為左個胃既健康，我迫不得已啦！我上網做左啲功課，於是決定正正常常食減脂餐，其實都無咩特別，通常都是早餐我用水煮蛋配飯團、午餐食雞胸肉同沙律或勁多菜、夜晚我就通常食魚肉／一拳頭肉同大量水煮菜......有用，但係好慢好慢好慢......而且晚晚要自己煮好麻煩，我成日都堅持不到就去食外賣......每次食外賣都好有好有罪惡感甚至想催吐，久而久之，自己好似驚咗食野、每次食完野都左諗右諗食左幾多卡路里，成日諗住搞到個人都唔係好正常......跟住我決定唔得，如果全部專注係減肥飲食我遲早會痴線、會厭食症或者暴食症！所以先開始周圍去睇有咩減肥療程，個陣覺得用錢解決到既問題就唔係問題（結果我身體唔答應，起左咩寒冷蕁麻疹，到底點解我會咁黑？點解我天要玩我......)好彩最後都搵到係熱能激光溶脂先啱我，好啦唔講啦，再講就真係好賣廣告！下次再同大家分享更多百磅肥仔減肥資訊，Bye ya！
