（圖片來源：eatie.io@Instagram）Web3.0係大勢所趨，就算你唔知咩係Web3.0都一定聽過AI(Artificial Intelligence人工智能)、NFT、加密貨幣⋯就連星爺都開設IG帳戶，公開請Web3.0人材！ （圖片來源：stephenchow@Instagram）其實Web3.0早已經開始慢慢滲入大家嘅日常生活中，連餐飲都可以扯上關係！好似譚仔同KFC都出NFT，最近又有個新APP叫「eatie」 ，佢哋個公仔係一個粉紅色嘅胃，造型都幾可愛；聽講遲下仲可能會推出週邊，一定要留意！ （圖片來源：eatie.io@Instagram）聽講呢個eatie手機遊戲係香港首個「食次元宇宙」，以美食做主題，有唔同嘅小遊戲，可以同時間挑戰現實同虛擬任務加遊戲。大家只要定期做任務「玩嘢、儲嘢、整嘢、換嘢」，挑戰「eatie Challenge」，達到「終極飽胃」嘅成就，贏得虛擬世界嘅獎賞，可以現實喺有參與其中嘅美心集團各個餐飲店舖贏得各種優惠，都幾吸引！ （圖片來源：eatie.io@Instagram）講到明係Web3.0，又點少得NFT呀，分分鐘可以玩game拎NFT仲可以自由買賣。美心將會喺2023年首季就推Hungry eatie NFT ，NFT有各種本土嘅香港美食，好想擁有呀！ （圖片來源：eatie.io@Instagram）如果大家都想持續了解eatie嘅「食次元宇宙」最新動態，可以follow佢哋IG @eatie.io ，想試下玩game嘅就快啲去download啦！ （圖片來源：eatie.io@Instagram）
