Hi, 我係Yuki! 今次我同大家介紹嘅係一間係葵芳新開張嘅日式拉麵店——樂麵。呢間拉麵店位於葵芳嘅新都會廣場,岩岩開始試業,就吸引左好多報章報道,同埋都有好多人去排隊去食,算係呢排矚目嘅拉麵店之一🌟🍜秘製真熬雞白湯拉麵 $98 Yuki今次去試嘅係秘製真熬雞白湯拉麵。而呢個拉麵,個人認為最令人驚喜嘅就係佢嘅湯底。碗拉麵一擺上台,濃厚嘅雞湯味就撲鼻而來,真係令人食指大動。而且,個湯底唔算好油膩,適合好似Yuki咁,鐘意清淡口味嘅朋友去食。至於個麵,Yuki今次揀嘅係特製蕎麥拉麵。同一般日式嘅蕎麥麵唔同,呢度嘅麵係偏白色,都幾特別。而麵嘅質地就偏硬,同埋有小小彈牙咁,口感都算可以。而呢個拉麵嘅配料就主要包括左三種肉——豚肉,鴨肉和雞肉。 豚肉同雞肉味道都唔錯,但係鴨肉嘅話,雖然質地嫩滑,個人覺得味道就麻麻啦🙈另外,提提大家,而家店家做緊推廣優惠,只要關注間店嘅FB/IG就可以有免費野飲!去食嘅朋友記住唔好錯過呢個優惠啊😆~餐廳詳情~🍜餐廳名稱:樂麵(Lotmee)📌餐廳地址:葵芳興芳路223號新都會廣場2樓270號舖 📌交通方法:港鐵葵芳站D或E出口,朝新都會廣場方向走去即到 ---------------------------------多謝睇到最後!如果鐘意我地嘅post, 記住比like同埋follow我地嘅ig @yamayuki_hkdaily啊!會不定期分享香港生活嘅相關Post~IG account:@yamayuki_hkdailyU blog: https://blog.ulifestyle.com.hk/japandasYoutube:https://www.youtube.com/@yytravelopenbox