識我既人都知我好信阿育吠陀既理論。放心，我唔係神婆！我只係覺得阿育吠陀呢個理論對我有用，好大程度上可以教我點去食、點去減肥同維持身體健康，我覺得對我好work，不過就未必對其他人有效，但如果你想知道自己係邊類人，可以做以下呢個體質測試：https://www.sensestudio.co/healthy-living/ayurveda-doshas-quiz（阿育吠陀(Ayurveda)體質測驗：火、水、土、氣及空）大家或者好奇怪點解我去減肥就減肥啦，仲要睇自己係邊類型人？其實係因為我由細到大都係玻璃胃，睇西醫話個胃無病變，只係慢性胃炎，除左維他命同益生菌根本無藥可以開俾我食，最多就係俾啲化胃氣既藥我囉！中醫又係要夾，有中醫食藥個陣消化會好左，但一停藥都係打返原形；有啲中醫唔夾到我只要一食藥落去立即胃炎發作......總之睇極醫生都無辦法完全好返，不時就會胃炎發作！我本身自己就係水型既，水型失衡既時候，就會消化不良、積食、便秘、體內多氣、腹脹、胃酸偏低等等......我最辛苦就係胃氣漲，因為消化能力太差，食物留係個胃都耐左就會搞到胃氣漲，成日漲到頂住肋骨搞到肋骨勁痛勁痛......自從朋友介紹左我去測阿育吠陀同跟住佢既建議去改善飲食（我要用比較辛辣既印度香料好似胡椒、肉桂、八角、茴香籽、綠荳蔻、丁香、薑根等等去幫助消化去胃氣），我每朝用一杯Chai tea代替咖啡，好快個胃就舒服返，無再成日發作，而且我戒左生冷野，多食溫熱、偏濕同有好油脂既食物之後，人都自然瘦左好多，連減肥都十分順利！甚至完全都唔洗節食添！因為我係水型人啦，所以揀減肥療程就絕對唔會掂凍既！好似冷凍溶脂就唔可以做！跟從水型人飲食之後，自然咁瘦左好多，於是我就有動力有膽去搵熱光溶脂黎做，我之前唔知聽邊度講：如果太肥太肥去做減肥療程可能無咩野睇到，唔多唔少都要靠自己減啲先！我而家再減多5Kg我就好滿足架啦！第一間就係Quality Beauty，我去做佢地既HIFU高強度聚焦超聲波療程！係呀，熱架！我自己梗係上網做左關於Quality Beauty功課先啦！佢地個HIFU高強度聚焦超聲波療程係咩原理？就係用超聲波令皮膚中既水分子互相磨擦生熱，咁就可以係指定皮膚層或者脂肪層加熱，又因為脂肪對溫度好敏感(無論係高溫定低溫)，所以就可以用熱力溶化多餘脂肪細胞膜，令脂肪排出被吸收然後排出體外......咁收緊膠原蛋白層，同埋刺激膠原蛋白增生都係額外附加既好處！我搵Quality Beauty去試做都無咩特別原因，因為香港好似有N多間呢啲既小店......我真係求其搵間咕狗入面排名比較高既去，Quality Beauty話佢地開左10年，而且呢間店勁近我公司。其實我預約左之後都有少少擔心，驚上到去之後會sell得勁......不過Whatsapp預約係好nice既。其實我上網幾乎搵唔到任何關於Quality Beauty既評價......但鬼叫呢間野咁近我公司咩，我打算如果ok既話遲少少可以放工之後直接去Quality Beauty做，慳返時間呀嘛......講左大家最關心既問題先：Quality Beauty係有獨立房，係會正常sell，我覺得對我黎講唔算太hard。其實HIFU高強度聚焦超聲波療程既steps就無咩野好講，又係循例填資料、同Quality Beauty個顧問傾下想改善身體邊part、度身、入房換衫攤上床等治療師，治療師say hi然後邊講解下原理邊同我做機，做HIFU機係舒服既，因為係溫熱既......個HIFU高強度聚焦超聲波療程就咁做左大概好似二十幾三十分鐘之後就差唔多完成架啦。做完之後我feel到有脂肪既位都係熱既，感覺唔錯，覺得好似係深層熱到上黎咁。Quality Beauty顧問同我講話會即時去到水腫同皮膚緊緻左，但就未必會好快見到減肥效果，要我比啲耐心......OK啦咁，我其實都無預左第一次去試就買Plan。咁我話我返去睇下效果點先啦.....我覺得我都講得好正路啦呢個答案，但之後Quality Beauty顧問就開始狂sell特sell……但係大佬，又係你話療程完左唔會有野立即睇到，又叫我立即買plan，好矛盾喎係咪？好彩最後都比我「嗯嗯嗯嗯」敷衍應答走得甩，當然我有好好記低所有plan既價錢，買幾次可以點平同有咩送個啲......因為如果有效，我都忘真考慮返去買HIFU高強度聚焦超聲波療程架嘛！一星期之後結論：Quality Beauty個HIFU高強度聚焦超聲波療程係有用，係減到少少，唔多但真係有！我都話對我水型人黎講，熱力減肥係最work架啦！但人都係貪心既，我發現熱力減肥對我有效之後，我就去搵左間免費既減肥療程！免費既我就搵左間大集團，叫New Beauty S6溶脂修形，鄭秀文代言既！因為始終係免費體驗，所以梗係揀間大既，好似New Beauty咁，一黎佢地既機絕對唔會係假機、唔夠膽用假機，另外一日都唔知有幾多個免費客上去New Beauty度R著數啦，應該就唔會花太多時間去Hardsell我囉！忙著呢個阿Q心態，我好快就預約上左去試，New Beauty佢地都有打電話黎Confrim，感覺都係好nice好pro好有系統咁！其他人一聽New Beauty係免費療程就好驚hardsell、又驚試完人地個療程唔買plan就好內疚......我就相反，我反而覺得New Beauty佢地已經應付過太多試完唔買既客，多我一個唔多啦！所以反而更加放鬆，係有種擺爛既心態！首先我想講New Beauty話曬係大公司，所有野都好正常，好多人話佢地去到顧問房sell你而你唔買既時候已經黑曬面，仲有好多客試都唔試就嬲到走左.....我諗我個顧問無咁蠢呱。佢果然無咁蠢，佢係一直到我做完佢地個S6溶脂修形入返房之後先sell我，而我話我都係想返屋企幾日去睇下點先既時候先有少少黑面......倒帶！我略略講下個s6溶脂修形療程先：首先，New Beauty個顧問一開始見我就話可以upgrade我個減肥療程，但我婉拒左！因為S6溶脂修形好平，好似唔洗二千蚊有10次定點，所以我就係想試呢個，work既話就買呢個呀嘛。s6溶脂修形療程其實就同我之前做Quality Beauty個HIFU高強度聚焦超聲波療程一樣簡單，無咩秘密，HIFU係用超聲波去令皮膚底層水分子互相磨擦生熱，而S6溶脂修形就更加直接，用醫療級低能量生物激光直達皮膚層，用光熱去加熱脂肪層......總之兩者都係加熱啦，加熱到某個程度用地細胞外膜(應該)就會溶解，入面困住既脂肪酸就會流出黎比身體吸收，隨住去廁所而排走......總之New Beauty個S6溶脂修形原理就係咁簡單。無論HIFU定係熱光溶脂，我體感上覺得分別唔係好大，熱度亦都唔會差好遠囉。講返我同顧問先，係，我都明，每個月都有營業額KPI要追、返工咁多個鐘又好攰所以可能遇到我呢啲客會有少少黑面，都係人之常情，不過佢都ok既，無超級落力Hardsell，可能真係見慣見熟，好彩我都算走得好順利......大家！千祈唔好咁天真以為世上會有一間美容院唔sell，因為佢地都要開飯架嘛係咪！但點解我最後都係有返去買New Beauty個S6溶脂修形療程呢？我之前講過，對水型人黎講，熱既野食、熱野係對身體消化、血液循環同排毒都最好架！你敢唔敢信，我之前做Quality Beauty個HIFU高強度聚焦超聲波療程、而家做New Beauty個S6溶脂修形，返去一星期後減既呎吋連數字都一樣？？係呀，一樣呀，無多無少！腰圍都係減左1cm！我自己都覺得好震驚，其實身體同減肥呢件事有時都可以好化學！不過我都明，靠外力減肥呢啲野係要keep住做，無咩做完成個療程就唔會反彈架啦，我唔信呢啲，我相信維持身體健康就係要一直做有效既事、一直保養......而原來只要係熱既，我對Quality Beauty個HIFU高強度聚焦超聲波療程同New Beauty個S6溶脂修形療程既反應都係一樣，咁我梗係揀平架啦！！HIFU個價錢係貴過熱光溶脂好多架！不過注意返，我今次上去New Beauty反而唔係買返同一部機同$1888/10次個plan，New Beauty個顧問話佢幫我砌左另一個更令而價錢貴少少既plan比我(今次對住我梗係笑到四萬咁口）無HIFU咁貴既，但都無1888咁平！減肥呢樣野就豐儉由人，你都可以同你個顧問慢慢傾慢慢砌，睇下你想比幾多錢，因為New Beauty佢地有既減肥技術真係好多好多，可以話市面上講得出既其實都有......不過都係個句！如果你知道自己係阿育吠陀咩類型既人，對日常減肥飲食同揀減肥療程都好有幫助！！！信我！！！ 放多條Link俾大家參考下：免費體驗 S6 溶脂修形療程
