如題，我割左雙眼皮、開眼角之後真係超後悔，但唔割都割左......呢個世界係無後悔藥食。點解我會咁講？係咪因為割得好唔自然，割到左右眼唔對稱、搞左對歐式平行大雙眼皮！？唔係，好彩唔係！雙眼皮做得好成功，但病人死左！講笑咋，的確雙眼皮同開眼角係割得幾成功，梗係啦我大拿拿用左幾萬蚊搵經驗多既醫生去做架！但割完曬雙眼皮，對眼消曬腫之後，我就眼底就變得好黑好黑......其實如果淨係割雙眼皮可能無事，但衰就衰在我貪心，開埋眼角，於是就搞到眼底黑曬。我所謂個種「搞到」係因為本身自己係水腫人、血液循環差又勁易色素沉澱，所以就「奶野」！割完眼角之後可能因為有傷口，影響到個血液循環，而家眼底永遠有兩灘黑色......而且仲好似有兩條肉條咁，連眼袋顏色都變深左。無論我用幾多瑕遮膏都好難遮，一素顏就見到對「黑眼圈」好明顯，我真係欲哭無淚，其實我本身都無咩黑眼圈問題架，個眼袋亦都無咁明顯，而家好似全部野都勾曬出來咁......但自顧自憐都要有限度！唔發生都發生左唯有接受，於是我就開始自救！可能因為身邊朋友都比較後生（又或者根本唔捨得比四位數去做療程）真係無咩人可以問到，我只可以求助萬能咕狗，然後就膽粗粗揀左間去試：AURA skin & beauty 單次服務收費專門店大家淨係睇AURA個名就知道點解我會揀佢啦！因為我真係好驚hardsell，而呢間講明佢地AURA唔會有顧問房、絕不硬銷，明碼實價可以做一次就走所以......係囉總之試左AURA咩料先，唔知Legacy Eye眼部療程可唔可以救到我呢？因為我第一次做醫美療程(而且唔平呀都要近一千蚊)所以都幾緊張，又驚唔值呢個價又驚上到去比人sell到無得走......金朝陽即係老銅，離我屋企都ok近，我約左個幾早既時間上去試Legacy Eye。可能因為早，亦都可能因為AURA本身有好多轉角同房仔，所以上到去都唔係好見人，去櫃檯後都係填左少少資料先，然後好快有人招呼，帶左我去坐低傾下先.....係，雖然AURA佢地無顧問房但佢地都有檯有椅架嘛，而且都有個類似顧問既物體係度。個女仔好親切咁問我問題，又仔細介紹下Legacy Eye個療程，算係大家一齊認識下咁，我感覺都唔錯幾好，就係成日「鏡住鏡住」驚佢會sell我......關於Legacy Eye，我無咩問題想問，入左房之後就開始做啦！間房其實都比我想像中大，AURA真係已經好過得塊簾隔開既單次收費美容院(我上網睇，好多人都對急診室式放病床咁既間隔好不滿喎)，至少我有房呀......其實AURA個顧問（定美容師?接待員?）都有同我講解個Legacy Eye去眼袋療程技術係用多極射頻，同埋一個比較得意既叫磁力脈衝，主要用呢兩種技術。因為射頻比較好理解，所以我去睇左佢地AURA官網對磁頻既解釋，話磁力會令皮膚底層既水分子互相磨擦產生熱力，咁就可以促進血液循環同膠原蛋白增生架啦......但等等先，咁咪同射頻個作用一模一樣囉???AURA官網又加多左句，磁力可以觸發FGF-2生長因子釋放，我唔知生長因子係咩，但聽落去好似好勁，聽落去好似好勁咁我就信佢架啦！Legacy Eye去眼袋療程過程其實無咩特別，都幾簡單，大概得幾個step。就係幫我抹臉清潔，搽gel後開機，有個好似細圓餅咁既儀器喺我對眼度來來去去、來來去去，轉來轉去......熱熱地，但唔痛既。感覺都幾舒服，但就都幾單調（因為我淨係做眼呀嘛）本身以為Legacy Eye去眼袋療程會搞多少少野，多啲花樣玩但其實都無既......每次我覺得應該都完囉......其實都未完，因為成個療程就係針對對眼架嘛！！我諗碌左有成15分鐘，碌到係會覺得應該都無得再improve架啦喎咁。但我諗返轉頭，我大拿拿比咁多錢的確係要碌咁耐既.....我仲嫌佢好似無咩野玩咁添。跟住AURA美容師比塊鏡我拎住自己睇，其實未睇我已經feel到眼皮附近同眼角斜上方都緊緊地，好似拉左皮咁。的確。對眼係frim左好多，無曬水腫浮腫，連眼袋都平左啲，但係眼底個兩舊黑色都仲好似烏雲咁陰雲不散呀！！！好似仲因為對眼周圍白左，所以顯得對黑眼圈更黑！我直接都同AURA美容師講我好失望，咁佢都nice，不過就話其實都淺色左、Legacy Eye係主打去眼袋療程所以去眼袋會犀利啲，或者我需要做啲美白療程之類balaba……老實講，我無懷疑AURA佢地開得唔夠能量度數高(網上真係好多呢類關於美容院陰謀論，其實人地較大個能量強度你又驚burn者)，純粹覺得就係自己同個Legacy Eye療程部機唔夾啦.......於是呢間我就無買Legacy Eye。不過如果下次又有療程想試我或者會做佢地單次收費。跟手我就試左Perfect Medical個R6包去眼袋療程！點知都work！老實講，都已經唔係太信有任何眼部療程可以幫到手，但因為我後日有Date，而Perfect Medical呢個R6包去眼袋療程係免費！我就諗，咁去R個免費療程做5或10分鐘都好呀，至對眼睇落去無咁差，上妝又會貼啲！Perfect Medical嘅網上評價亂過煲粥，就算有心想做功課都唔知點做，每度都有打手同唱衰佢地既人潛伏，仲有KOL大讚特讚，你根本都唔知邊個係人邊個係鬼......其實網路咁多Perfect Medical評價當中究竟有無一個係真客呢？總之如果想知道Perfect Medical R6去眼袋療程的真實評價，似乎一定要自己親身上去試先知！Perfect Medical同AURA唔同、好唔同，首先佢地Perfect Medical就唔係單次收費美容院，其次就係免費體驗唔洗俾錢，所以我都真係好驚俾人圍住Hardsell……不過實情又比我想像中更好。準時去Perfect Medical櫃檯check in完再填資料直到入顧問房同做皮膚測試成個流程都好smooth，無浪費大家時間，我諗個顧問可能都做過幾百幾千次，可能運用既句子都一樣添，但另一方面，佢又好仔細咁同我傾個皮膚測試report，令我覺得每個客人其實都係有專屬方案......講到Perfect Medical個R6包去眼袋療程，佢話係用醫療級RF射頻技術加埋紅光同藍光，然後都係用熱力促進血液循環、促進脂肪溶化排走咁囉，其實都係個啲野。去眼袋應該就一定有效果睇到，就要睇埋紅光藍光對我黑眼圈有無用啦。療程過程又係無咩好講，Perfect Medical治療師同樣睇落好細心溫柔好nice，碌對眼碌左成15-20分鐘我真係差唔多訓著，而且淨係做對眼感覺其實都有啲空虛。我做到差唔多訓著既時候個免費體驗就完左，其實話係免費體驗，R6包去眼袋療程成個流程長度同正式療程都差唔多，我諗佢可能驚就咁hea轉兩下會無效果睇到.....都岩既，佢地都想要新客架嘛係咪？但一照鏡其實真係有驚喜。眼皮好似做左拉皮手術咁向上拉緊左，對眼frim左、眼袋平左就唔在講，但最驚喜既位就係眼底兩攤因為血液循環唔好做成既黑色都散咁啲......睇落無咁黑，我諗係因為紅光、藍光對眼底血液循環真係有效！做完睇到效果比想像中好都好心動，出到去就照例入顧問房傾傾，大家都好滿意個療程效果（不過就係唔知可以keep到幾耐）顧問都好坦白，佢話我呢個情況未必可以徹底好返，畢竟可能有手術之後既瘀血困喺眼底，同埋開完眼角之後都影響左個血液循環變差......但就可以keep住做眼部保養療程去improve同令對眼keep住令。我好多謝佢咁誠實無話一定可以去黑眼圈個啲，咁反正我多少都係心裡有數，而且都一直啲心思思想對自己好啲，想每個月平平地做一次眼袋槍架啦，而家機會黎啦！擇日不如撞日啦！另外除咗眼袋槍，其實我仲book左去試面部療程，唔知你地覺唔覺，攤上床咁耐但淨係做對眼我覺得怪怪地，好似淨係對眼frim左後生左，兩邊臉頰肉依然好垂，所以我遲啲或者仲有另一個report係關於做面既......stay tuned！擺條免費體驗既link先！ 免費體驗：Perfect Medical R6包去眼袋療程
