早幾日我哋試咗呢間網上review非常好嘅餐廳, 每位€45包頭盤, 主菜, 甜品, 餐酒, 咖啡紅茶。家庭式經營, 大廚會過嚟同客人傾計, 侍應又有求必應, 問乜都 "yesssss!" 好開心無揀錯! 餐牌上大部分都係特色菜, 鴨腿鵝肝嗰d當然有啦, 仲有法國餐廳常見嘅兔肉。我地試咗烤牛骨髓, 用Lille本地芝士做嘅芝士撻, 兩個頭盤都好有份量, 差d食飽咗! 主菜我地試咗網上review個個都讚嘅T-bone牛扒, 真係好好味之外, 特別在於大廚喺你面前用炭火燒, 仲俾我地走埋去貪得意扮大廚。其實食完塊牛扒我已經好飽, 要先飲杯茶休息吓先可以食甜品... 烤牛骨髓: 將牛骨入面嘅骨髓挖出嚟配麵包食, 上面加d好特別嘅海鹽, 雖然骨髓睇落好似肥膏, 但都唔覺得油膩 烤牛骨髓: 將牛骨入面嘅骨髓挖出嚟配麵包食, 上面加d好特別嘅海鹽, 雖然骨髓睇落好似肥膏, 但都唔覺得油膩 用Lille本地芝士做嘅芝士撻, 離遠都聞到好大陣臭臭芝士味! 餐廳中間有個炭爐, 大部分烤肉都會喺你面前用炭火燒, 大廚仲俾我地走埋去扮大廚影相。 必試 chargrilled T-bone! 侍應將一架甜品車推嚟你張檯, 有超過十款甜品任你揀, 每人可以揀三件 (3x2=6件)! 有朱古力撻, 檸檬撻, 蘋果批, 栗子撻, 當然有法式焦糖燉蛋creme brûlée, 另外仲有幾款有酒嘅唔知咩甜品。甜品放滿檯面, 超滿足呀!! 如果飲酒的話, 呢個餐就更抵, 因為餐酒係 每 人 一 支 ! 侍應話可以頭盤飲白酒, 主菜飲紅酒, 我以為係各一杯, 原來係各一支! 加埋餐前送杯香檳, 名副其實飲飽食醉呀! Restaurant Grill Sainte-Anne 要預早一個禮拜訂檯, 餐廳星期日休息。 https://www.grillsainteanne.fr Lille其實離巴黎只係一個鐘多d嘅車程, 或者從倫敦過來1.5個鐘, 距離比利時只係半個鐘, 下次去歐洲可以來玩! ================================== 更多食譜及英國生活分享: Janice's Cookbook Facebook: Janice's Cookbook IG: @Janicescookbook Twitter: @Janicescookbook
