出生於石屎森林但不喜歡石屎, 我呢種人心情最矛盾, 亦無乜人明白我嘅諗法同感受。好似我話鍾意大自然, 鍾意花花草草, 單純這種興趣已經令我感覺自己是個異類, "身邊除咗你之外真係無人鍾意種花囉!!" 呢d說話亦聽唔少。 好多年前我曾經住喺南丫島, 後來就搬到交通比較方便的大嶼山。有時諗返, 原來自己多年來輾轉都生活在離島! 每天搭船吹海風也成了我很喜歡的生活一部分。 在香港要接近大自然或者搵個氣氛平靜舒適嘅地方唔多, 每一個我身邊嘅人都問我離島唔會超唔方便嗎? 但每當講起我在離島生活舒適的一面, “你就好啦, 入面咁少人, 地方又大又舒服, 我住喺邊度邊度真係人多到痴線, d樓又貴, 你就好啦!” 其實是選擇。我一樣係鬧市中環返工, 只係工作以外的生活我選擇了平靜的離島, 慶幸公司附近就係碼頭, 半個鐘後落船就可步行回家。當然會有不便的時候, 但我認為生活舒適最重要, 偶爾的不便我可接受, 是我的選擇。況且我亦自問無能力在市區捱貴樓。 遠離市區擠迫後更難再接受這種壓迫, 所以每次被問有無考慮搬返市區, 答案: 無。有人喜歡車站上蓋, 食野買野方便, 又要考慮校網, 可以理解。但我喜歡每天望著沙灘, 草地, 林蔭小路, 也是個選擇。既然局限在香港這環境, 就在這裡找個每天令我心境平靜的地方, 生活自然愉快。 我感受到一定要住市區而又愛大自然的人一定非常無奈, 窗外街外到處是石屎, 有時真係想搵棵樹望吓都難! 即使遠在大嶼山, 政府亦計劃興建多個大型旅遊項目, 我只係個小市民, 除咗覺得可惜之外都無能為力。 香港的綠色地方已經不多, 若我有孩子的話會想佢地接觸多d大自然, 多去戶外地方, 親眼認識小鳥和蝴蝶, 而唔係喺完全石屎的環境下長大, 所接觸的一切都是商業化的興趣班和主題公園。希望下一代的自然環境可以更好, 似乎無可能吧, 那就希望可以保留那僅有的綠色。 支持Greenpeace 綠色和平 最後3日咋, 立即聯署！ https://act.gp/2MYtr6W #保衛郊野公園 #我簽咗喇 ================================== 更多食譜及英國生活分享: Janice's Cookbook Facebook: Janice's Cookbook IG: @Janicescookbook Twitter: @Janicescookbook
