咁多種印度咖哩裡面, korma算係最溫和。超市好容易買到已經調味嘅咖哩粉, 只要加d肉加d蔥蒜, 幾個步驟就煮好了。平時只會買雞柳或者雞腿, 今次特登買左半隻雞, 叫超市阿姐幫手切件, 好似連骨連肉咁煮過癮d嘛! #印度咖哩雞 #鐵鑄鍋料理 #Staub 材料: 乾蔥頭 2粒,切碎 蒜頭 2瓣,切碎 薑片 幾片,切碎 印度咖哩粉 (Korma) 4湯匙 雞 半隻,切件 雞湯 400毫升 糖 ¼茶匙 新鮮芫茜 適量,切碎 做法: 將切碎的乾蔥頭、蒜蓉和薑蓉加入鍋中,加100毫升開水,以中火煮5分鐘 加入咖哩粉再煮2分鐘,直到聞到咖哩香味 加入雞件、雞湯和糖 攪勻後蓋上鍋蓋,煮20分鐘或直到雞肉煮熟,咖哩汁收乾便成 ================================== 更多食譜及英國生活分享: Janice's Cookbook Facebook: Janice's Cookbook IG: @Janicescookbook Twitter: @Janicescookbook