以前返工日日見面嘅飯腳來倫敦旅行! 問我最近有咩熱爆必試就梗係唔知啦, 不過我都有諗諗到時一日遊可以去咩地方, 精選咗我去過又覺得值得介紹朋友去嘅五個地方: 1. Borough Market 喺London Bridge站,The Shard同莎士比亞劇場Shakespeare’s Globe之間。Borough Market係倫敦最大最舊既food market之一,人多熱鬧,burger、fish & chips等等特色英式小食,西班牙、德國小食全部有齊,仲有好多賣芝士嘅小店,而且就喺London Bridge站隔離,行程好容易安排。 點擊圖片放大 +10 2. Greenwich Park Greenwich Park係歷史最悠久既皇室公園,除左好大好大片草地之外,行上去Observatory仲可以睇哂倫敦全景,係我地睇日落既首選地方 3. Walking Tour Walking tour係我去旅行必做既野之一,有次聖誕節黎倫敦,聖誕正日25th乜野都關門,自己一個人走去Trafalgar Square參加一個圍繞Embankment既walking tour。邊間公司我唔記得,但係上網搵”London walking tour”就會搵到好多,一般都唔駛預先登記,只要指定時間喺指定地點出現就可以架喇。 4. Brick Lane Brick Lane係傳統跳蚤市場,由食物到二手衫乜野都有,睇起來好似好混亂好雜,但入到去感覺都ok。有好多外來移民,街頭音樂藝術,同埋出名食咖哩!亦有熟食市集可以試勻各國美食,亞洲歐洲等等都有。 點擊圖片放大 +8 5. Oxford Street Oxford Street係全英國最出名既購物街,無論鍾唔鍾意行街都一定要黎睇下!由百貨公司到名牌、H&M、TopShop、馬莎等等乜野都有,起碼要預幾個鐘。有次我預左好多時間行街,但無預到買完之後無手拎,結果行到一半就要返酒店…. ps. 聖誕節來倫敦一定要黎Oxford Street睇燈飾,好有節日氣氛架! 大家又最愛倫敦咩地方呢? ================================================ 更多食譜及英國生活分享: https://www.facebook.com/janicescookbook