尋日男人喺超市買咗支萬字醬油, 鬼咁高興話Kikkoman好好味, 我呢排又想食d類似拌麵嘅嘢, 今日就特別用支新豉油煮左呢碗茄子肉碎拌麵, 醬汁係我隨便諗的 哈哈, 又鬼咁好食喎! 雪櫃咁啱有碗隔夜飯, 煮埋出嚟有麵有飯, 大家都覺得飯好味d! 點擊圖片放大 材料: 免治牛肉 適量 茄子 半條 紅洋蔥 ¼個 蔥 適量 紅辣椒 適量 醬汁: 萬字醬油/豉油 3湯匙 紹興酒 1湯匙 糖 ½湯匙 麵粉 ½湯匙 做法: 紅洋蔥及紅辣椒切絲,茄子切丁,蔥切成蔥花備用 所有醬汁材料在一小碗裡混合 熱鑊下油,放紅洋蔥慢火炒至聞到香氣,放茄子同炒 加入適量滾水,煮至茄子變軟 加入免治牛肉,兜勻及炒至牛肉熟透 加入紅辣椒絲及混好的醬汁,炒勻 如果太乾/醬汁不夠撈麵或撈飯的話,炒好肉碎後加入2-3湯匙滾水,炒勻後撒上蔥花便可 ========= 原來之前經濟日報有講萬字醬油, 話佢成份天然, 無添加增味劑。淘大, 御品皇, 珠江橋牌全部不達標, 李錦記又係有化學添加劑。 營養師拆解豉油成分陷阱 愈食愈重口味 https://goo.gl/JPtioH ================================================ 更多食譜及英國生活分享: https://www.facebook.com/janicescookbook