同煮食無關的分享~ 相信好多人都同我有同樣嘅問題, 就係屋企太多雜物, 清極都清唔完! (有嗎?) 平時我都係放喺FB嘅買賣group度賣, 但係今次搬屋要快速清哂整間屋嘅野, 就試試做open house sale, 覺得原來幾好玩之餘又好有用! 所以想分享下啦 :) 外國人都鍾意做open house sale, garage sale之類嘅野, 其實就係開放日咁嘅意思, 我家附近多外國人, 所以有時我都會去人地嘅open house湊熱鬧, 買返一兩件無乜用嘅野返嚟, 杯杯碟碟呀, 花盆呀咁.. Open house之前我先在FB宣佈我家會在weekend兩天開放, 已經好多人問可唔可以早d來, keep起幾件東西給我可以嗎, 又問我有無朱古力噴泉機可以賣! 我本來諗住朝早一開始後可以慢慢執好d野, 點知原來一開始就已經好幾個人上嚟選購我d舊衫舊鞋, 第一個已經買咗5對鞋, 兩個袋, 好多好多件衫, 好在我存貨夠多, 仲有大把貨賣 haha 比較有趣嘅係, 最近有位剛搬到香港嘅鄰居來我家拎走咗一大堆舊書, 又俾咗幾個搬屋用剩嘅紙皮箱我, 上面寫住老公個名Alexander, 到我做open house當天, 有位德國人帶埋個囡過嚟買d碗碟同舊書, 傾多幾句我地就發現原來佢就係Alexander! 我好鍾意呢種大家互相分享, 循環再用嘅文化, 錢就唔賣得多架喇, 有d甚至係免費, 但至少唔會浪費, 家裡的日常用品都俾人買了, 有d一上來就問, 我想買隻鑊, 你有嗎? 有暖爐嗎? 我想買意粉夾! 你個焗爐會賣嗎? 儲物櫃還要嗎? 另外又有人會問, 唔知你會唔會有晾衫架呢? 我見你有張地毯, 請問賣唔賣呢? 我連屋企無用嘅Apple電線, 其他各樣完全無用嘅廢物雜物都送俾人了. 仲有..我的Coach同Prada都已經賣了…因為是兩個我完全唔鍾意嘅, 所以知道自己肯定唔會再用, 有兩個靚的當然留返俾自己 :D 當然, 唔係人人都要將全屋所有嘢放哂出嚟賣㗎! 隨你自己鍾意賣咩就賣咩, 或者淨係賣衫賣鞋又得, 我賣得咁徹底只係因為我要清哂間屋 -___- 香港比較小呢類開放日, 始終文化不同, 可能會擔心安全, 不想陌生人上來自己家, 不過今次有機會試一試, 睇住屋企d無用嘅雜物一次過清哂, 感覺都幾滿意, 同埋整個經驗好有趣! 點擊圖片放大 +3 更多飲食及生活分享: Janice’s Cookbook https://www.facebook.com/janicescookbook
