想試試在家自家手製意粉, 其實唔一定要用意粉機! 最怕係買返黎用一次就唔用嘛! 雖然我有意粉機, 但今次專登試試用手製, 效果一樣好! 咁大家都可以喺屋企試試~ 份量: 2人 材料: 手製闊麵 麵粉 5安士 雞蛋 2隻 海鹽 適量 橄欖油 適量 牛肝菌忌廉蘑菇汁 新鮮蘑菇 100克，洗淨切片 乾牛肝菌 10克，先用清水浸15分鐘 蒜頭 1瓣 橄欖油 適量 白酒 2湯匙 海鹽 適量 黑胡椒 適量 牛油 一小片 巴馬臣芝士 20克，磨碎 忌廉 (cooking cream) ¼杯 蕃茜 切碎 做法: 手製闊麵 在碗中將麵粉和鹽混合，中間挖一個井 將雞蛋倒入井中，加少量橄欖油，慢慢地將雞蛋與麵粉混合，直到所有麵粉、雞蛋和油都拌勻 將麵團放在清潔的廚房檯面上或砧板上搓揉5分鐘 (這時麵團應該頗有彈性)。用保鮮紙或廚房抺布覆蓋麵團，待30分鐘 將麵團分成四份，先取其中一份用麵粉棍壓平，直到麵團厚度只有大概1-2mm (因為意粉煮熟後會稍為變厚, 所以要把麵團壓得非常薄) 5. 用刀將麵團切成麵條，粗幼隨意 6. 切好後待5分鐘意粉變乾身後，才放成一綑 (太快綑起來的話意粉可能會黏) 牛肝菌忌廉蘑菇汁意粉 在大鍋煮熱適量的水，稍後煮意粉用 另一煎鍋以中高火燒熱橄欖油，加入蒜蓉、蘑菇、鹽和黑胡椒，煮到蘑菇出水變軟，約3分鐘 加入牛肝菌連浸水，煮1分鐘 加入白酒，煮30秒 加入忌廉、牛油和巴馬臣芝士，煮一會，直到所有材料均勻。如醬汁太乾可加少少水 同時，意粉加入熱水內煮到合適的軟硬度 (al dente)，只要3分鐘便可。如意粉較厚，再煮多1-2分鐘 將煮熟的意粉加入到蘑菇汁內拌勻 用鹽和黑胡椒調味後便可上碟 撒上蕃茜和巴馬臣芝士碎便成 更多飲食及生活分享: Janice’s Cookbook https://www.facebook.com/janicescookbook
