最近喺Netflix 睇咗套叫FORKS OVER KNIVES嘅節目, 講whole food, plant-based飲食, 睇完我哋就話, 不如下個月試試plant-based diet啦! 再上網睇多d, 發現幾有意思, 總結少少資料喺度分享吓~ Whole food係指不經加工嘅食物, 例如蔬果, 豆類, 全穀類食物 (薏米, 糙米, 燕麥, 藜麥) 等等。所有肉類, 乳製品, 雞蛋或高度精製食品例如白麵粉, 砂糖, 油等等都不屬於whole food 呢種健康飲食並唔係話要餐餐淨係食菜, 因為菜本身唔能夠為身體帶來足夠能量, 長期淨係食菜會肚餓, 唔夠能量, 甚至最後出現暴飲暴食等等問題 Whole food, plant-based 嘅基礎係水果同澱粉質食品, 例如薯仔, 番薯, 粟米, 青豆呢類澱粉質較重嘅蔬菜, 或者全穀類食物例如糙米, 藜麥等等, 咁先食得飽 簡單嚟講, 素食者(vegetarian)甚至完全素食者 (vegan) 一般被視為健康飲食, 但其實唔一定! 素食者只係唔食肉, 但一樣會食pizza, 薯片, 炸薯條, 朱古力餅, 亦可以食好多精製食品, 芝士, 牛油, 雪糕等等唔健康嘢, 而whole food, plant-based飲食呢, 著重嘅係健康, 不單止係食唔食肉嘅分別, 而重點係’whole food’ – 未經加工食品! 我唔知我可唔可以完全whole food或者plant-based, 但我本身都係鍾意菜多過肉, 又唔特別鍾意買d過度加工嘅食品, 煮食鍾意自家製, 例如用新鮮番茄做意粉醬, 用檸檬汁做沙律dressing, 認為咁樣比較健康, 亦比較好味。 習慣自家製, 有時食返超市d高度加工食品都覺得唔好味。其實...只係開頭由出街食/買外賣轉為自家煮呢吓有d難, 好似自己煮好麻煩, 但慢慢就會發現是種健康的樂趣 :) 更多食譜, 飲食貼士, 餐廳推介: http:// facebook.com/janicescookbook Facebook: Janice’s Cookbook
