好多人PM問，有冇一啲服務高質素，用料高級，抵用又唔會hard sell美容院facial推介。其實之前私訊已經推薦咗人氣高端網紅店位於 澳門 羅馬街附近的 秀花庄。Facial同埋美容院，我自己就好少公開推薦。 我好少推介facial嘅原因，係因為facial呢一樣野本身好個人，有啲人鍾意做一啲簡單嘅針清保濕，就覺得好足夠；有啲人認為做facial係享受，一定要有熱石、面部通淋巴等等療程，先至屬於高質素；亦都有啲人希望見到即時嘅效果，鍾意做激光、彩光、甚至更高端嘅高能量熱力射頻、HIFU等等屬於醫學美容範疇嘅療程。對於某啲人嚟講，一啲醫學美容療程即使係非常有效，能夠短時間之內達到緊致美白效果，但係都會因為怕痛、怕打針而放棄。 另外一個原因我好少推介Facial，係因為雖然我唔係美容師，我都算係業界其他相關人士，你哋作為街客，你所得到嘅服務水準，同埋價錢收費，好明顯係會係「行貨」同埋「零售價」，價錢一定比我做貴好多，而你會俾人瘋狂hard sell嘅機會亦都大好多。
