無肉不歡，唔代表同食素有衝突㗎！🤔作為食肉獸嘅我大鄉里地發現😀原來素食餐廳嘅食物係可以好豐富㗎！😍今次去朋友開嘅素食Cafe -Sofia 素菲亞，環境舒服而且食物有好多選擇！急不及待要大大力推介比大家💕 點擊圖片放大 +3 🌟平時少食牛嘅我，今次點了朋友推介嘅呢款即叫即焗嘅Impossibe 素食威靈頓（$238)。當佢一上枱時已經超興奮了！外層鮮黃色嘅酥皮焗得香噴噴！影相影到我流晒口水🤤內裡厚實嘅植物牛肉🐮真係超Juicy!😍0膽固醇嘅植物牛肉仲蘊含豐富嘅蛋白質同營養添啊！ 聽落都健康咗😂另外入面仲有素煙肉同大大舊冬菇，口感超豐富🎉！平時食開牛嘅朋友，嚟到一定要試呀！ 點擊圖片放大 +2 🌟黑松露野菌闊條麵（$118)幾重黑松露味！個醬汁唔會太膩仲幾creamy！而且賣相唔錯仲好多菇菇tim呀！ 🍹飲品方面叫咗無花果綠茶同藍天菠蘿梳打，顏色賣相不錯！不過飲開無糖嘅我唔記得少甜😌同埋舊檸檬好曳曳，成日喺我打卡嘅時候跌落嚟😂🤣 最後點少得個甜品，椰子朱古力撻🍰佢嘅椰子味幾重不過就冰咗啲， 完全解凍後食可能個質感會好啲😅 另一推介嘅重點係佢地嘅性價比真係好高👍🏻， lunch set 都係$98~$148 不等， 但有齊餐湯、沙律、主菜、飲品😍！真係幾划算，而且環境簡單舒適！💯假日下午茶時間去都唔會太多人👍🏻仲可以慢慢吹水打卡添呀😂我見到佢個農夫包都係極吸引、超邪惡🤤！下次嚟一定會食埋佢😍 🥗🥬大角咀店仲全新推出素食火鍋一人前（$78)迎接今個秋冬 👍🏻大家同朋友一齊去烚吓烚吓啦！🤤🧏🏻♀️ 📍 素菲亞Sofia 西環店： 西環爹核士街28-32號安發大廈地下C號舖 大角咀店： 大角咀大全街6-20號大富樓地下A2A號舖 -------------------------------- 喜歡的就給我一個like吧 或follow 我的IG ♥️ 會有更多另類生活點滴和笑料看的🤣 -------------------------------- 💌歡迎合作/聯絡📬 IG: janetnetnett FB：Janet 精叻生活 Mail: janetwongs.wtw@gmail.com
