炎炎夏日想一邊睇靚風景，一邊舒舒服服嘆冷氣？ 下午茶可以入尼ALMa，對住呢個維港海景，食返件葡撻，仲有原味、榛子味、朱古力味比你揀。$16一件，加埋一$18有找。 ▼絕大部分既枱都睇到海景，就算第2、3、4排既枱都睇到，非常好！而且枱與枱之間有足夠空間，唔會密則則，d櫈又幾好坐，裝修亦都唔錯！ ▼想食飽d一樣得！下午茶時段由3:15開始至到5:30。 葡式肉腸焗鴨飯($68)，鴨肉一絲絲混係飯入面，足料又飽肚，唔錯！ 圖中後方，切開左既係原味葡撻($16)，未切開的是葡式雞批($28)，個人鍾意葡撻多d。 ▼葡國雞配白飯($68) 雖然焗鴨飯都唔錯，不過我始終鍾情葡國雞，d雞仲好滑添！ 可以book枱，電話、餐牌都可以係>官網<搵到。 地址：尖沙咀海港城海運大廈3樓OT310號舖 相關文章： 1. 【炎夏節目系列】$18遊船河 睇靚絕海景日落！ 2. 【炎夏節目系列】海邊步行徑 ─ 淺水灣去深水灣只需20分鐘！ 如果喜歡我的文章，記得(1)在下面比個LIKE (2)在頁頂右面按「關注」:D 想睇下我平時生活去邊玩，歡迎follow IG>>ipjane<< THANKS FOR SUPPORT *V*
