今晚9時才上機，所以還有一整天的時間在基督城 : ) 今日的節目就是去>Christchurch Gondola<！ 行李留在Haka Lodge就出發喇！出發之前上>metroinfo.co.nz<睇睇搭咩巴士。首先輸入 From: 518 Linwood Ave (Haka Lodge地址)，然後 To: Christchurch Gondola。535號巴士最方便，一程車15分鐘，點到點 (1小時1班車)。 535號巴士站正正就在Haka Lodge對面馬路，但因為之前次次都在有蓋式巴士站搭巴士(下圖左面)，所以一直都無為意，亦都無抬頭去望，原來這枝橙柱就是巴士站 O_O ▼ 15分鐘車程就到纜車站喇！在基督城搭巴士，上車付現金後 (設找續)，司機會給你收據，記住保留並於下一程巴士出示，即可免車費。 ▼ 成人NZ$28/位，纜車全程10分鐘。 ▼ 纜車上的景色 ▼ 一出站就是紀念品店。行到盡頭會見到 Time Tunnel 的入口，憑纜車票可以免費玩一次。入到去好似迪士尼的遊戲設施，坐住架車 (最多6個人一架) 一路行，一路有不同的佈景，一路有聲音講解基督城的歷史，全程大約5分鐘。 ▼ 玩完 Time Tunnel 就上頂層，外面是觀景台，入面是Cafe，地毯上印有指南針方向。落一層是餐廳，不過只於週末11:30am-2:30pm營業。 點擊圖片放大 ▼ 觀景台有樓梯 (下圖左邊) 直接落到這片金黃草地，在這裡野餐很不錯啊！ 點擊圖片放大 +2 ▼ 之後我地見下圖右邊有路落，就沿路行落去周圍睇下 :) 點擊圖片放大 +2 ▼ 可以回望山坡上的纜車站，我們就是沿住下圖右邊的路行過來 ▼ 另一邊是城市景 ▼ 沿路行返上纜車站 ▼ 返回纜車站後，我們按入場指南上的介紹，沿住Crater Rim Walkway落Cavendish Bluffs Lookout，來回共30分鐘。 點擊圖片放大 ▼ 到達 Cavendish Bluffs Lookout 點擊圖片放大 ▼ 在 Cavendish Bluffs Lookout 回望纜車站 ▼ 由於對海港景興趣不大，於是我們又在附近周圍行下 根據入場指南上的介紹，向前行多10分鐘就是另一個景點：Pioneer Women's Memorial，不過我們遠遠望過去見個景好似差不多，一樣是海港景，所以無繼續行。 ▼ 沿路返回纜車站旁的金黃草地，又有另一番景象 ── 雲海！ 雖然入場指南無介紹我們一開始走的路，但那邊的路很開闊，乾爽易行，而且我比較喜歡那邊的景色！ 而指南介紹的Crater Rim Walkway，那邊的路很多泥寧，而且以海港景為主，所以如果不夠時間，我會建議去前者 :) 其實除了纜車，可以沿Bridle Path上落山，單程約1小時，咁就連纜車費都唔洗比。入場指南係咁講：the Bridle Path is an easy but steep track, a popular walking track for locals and visitors alike. 回程喇... 搭纜車落山時，見到d雲比風吹散的過程，有興趣可以睇睇 >影片< 纜車站出面就是535巴士站，15分鐘車程返回Haka Lodge。前一晚book了Super Shuttle (詊情可參考>Day 1<)，返到Haka Lodge休息下，就有車接我們去機場喇！ ▼ 再見啦 Haka Lodge~~ ▼ 晚上的機場 上機的接駁橋和Day 1一樣，都是經過精心佈置，今次是牧場的佈置，還有羊的聲音和草的氣味，好有心思！ 相關文章： 1. 【紐西蘭】唔洗自駕 ‧ 懶遊人間天堂 2. 【紐西蘭】唔洗自駕 DAY 1 ‧ 浸住溫泉觀星 @ Tekapo 3. 【紐西蘭】唔洗自駕 DAY 2 ‧ 望住靚景玩飄移 @ 皇后鎮 4. 【紐西蘭】唔洗自駕 DAY 3 ‧ 跳傘 & 峽谷鞦韆 @ 皇后鎮 5. 【紐西蘭】唔洗自駕 DAY 4 ‧ Nevis Bungy (全紐最高) 6. 【紐西蘭】跳傘 VS 笨豬 VS 峽谷鞦韆？點揀？ 7. 【紐西蘭】唔洗自駕 DAY 5 ‧ 美麗的Wanaka Tree 8. 【紐西蘭】唔洗自駕 DAY 6 ‧ 行冰川！ 9. 【紐西蘭】唔洗自駕 DAY 7 ‧ 阿爾卑斯觀光火車！ 如果喜歡我的文章，記得(1)在下面比個LIKE (2)在頁頂右面按「關注」:D 想睇下我平時生活去邊玩，歡迎follow IG>>ipjane<< THANKS FOR SUPPORT *V*
