South Island Lick 7-Day Tour - Day 7 Franz Josef → Christchurch 9am出發，再見喇Franz Josef！ 11am去到Hokitika市中心，有1個小時食午飯，我地揀左間Cafe食，食完行左陣。中午12時，大家在車上集合，導遊兜左我地去海邊>Beach St<影相，同埋影最後一次的疊羅漢 (導遊很喜歡以疊羅漢方式影Group Photo XD) 點擊圖片放大 +3 大部分團友都是今日Last day，只餘下幾位團友會跟導遊繼續北上，因此他們送大隊到Greymouth火車站後，便會分道揚鑣， 正因如此，導遊亦趁這個時候與Last Day的團友埋數。大家如果在旅程上額外加了活動，例如 Skyline Luge 和 Lake Takepo 的溫泉，並不需要即時付款，只須留待最後一筆過解決，現金或者信用卡都得。 ▼埋完數、影完相，就開車去火車站，1:30pm到，坐TranzAlpine Express返Christchurch！ ▼最尾一卡是觀光車卡，無玻璃窗，方便影相。乘客可以隨時行過去。 ▼每卡車廂入面都有2款座位，比較多的是普通座位，兩個兩個，似香港機鐵；另一款見下圖，4個對住坐，中間有張枱。此外，有一卡車廂是迷你Cafe，可以過去用輕食，例如三文治、糕點、沙津、薯片等。不過我的座位已經有枱，所以我就買返位食喇！另外，定時都會有職員過來收垃圾。 點擊圖片放大 +3 ▼ 2小時後會有一個中途站停大約5分鐘，大家都紛紛落車影下相。 ▼ 比原定的6:05pm遲了15分鐘到達Christchurch，Haka Tours的旅程亦都完滿結束喇！落車後記得取行李。大部分團友都會返Haka Lodge住多一晚，少部分人就直接去機場，來個Goodbye hug之後，又要分道揚鑣喇。依依不捨。。 火車站外沒有公共交通工具，不過就有2架Supper Shuttle等大家，客滿後就只可以坐的士喇。(>Supper Shuttle是什麼？<) 如果一個人，一定是Supper Shuttle抵d，但如果幾個人，坐的士都OK，不用兜來兜去。 回到Haka Lodge，職員已經在門口等待！有人等我地門，好有家的感覺 :`) 而且仲有驚喜添！就是安排了我們入住Apartment，有自己的廚房、客廳、浴室和2間房！ 相關文章： 【紐西蘭】唔洗自駕 ‧ 懶遊人間天堂 【紐西蘭】唔洗自駕 DAY 1 ‧ 浸住溫泉觀星 @ Tekapo 【紐西蘭】唔洗自駕 DAY 2 ‧ 望住靚景玩飄移 @ 皇后鎮 【紐西蘭】唔洗自駕 DAY 3 ‧ 跳傘 & 峽谷鞦韆 @ 皇后鎮 【紐西蘭】唔洗自駕 DAY 4 ‧ Nevis Bungy (全紐最高) 【紐西蘭】跳傘 VS 笨豬 VS 峽谷鞦韆？點揀？ 【紐西蘭】唔洗自駕 DAY 5 ‧ 美麗的Wanaka Tree 【紐西蘭】唔洗自駕 DAY 6 ‧ 行冰川！ 【紐西蘭】唔洗自駕 DAY 8 ‧ 去基督城行山！ 如果喜歡我的文章，記得(1)在下面比個LIKE (2)在頁頂右面按「關注」:D 想睇下我平時生活去邊玩，歡迎follow IG>>ipjane<< THANKS FOR SUPPORT *V*
