本文分為7部分:機動遊戲、攤位遊戲、英國皇家雜技馬戲團、影相位、美食街、夜景、其他資料。 除了美食街可以選擇付現金之外,場內所有消費都是用大會提供的卡扣錢,而場內不同位置都有藍色增值亭,很方便。 A 機動遊戲 現在東華免費入場,場內有20多款機動遊戲,睇睇以下想玩邊個,再計計條數,可能買全日無限任玩套票抵D,小童$180,成人$220。 1. 超級搖擺 ($60) 參考過不同Blogger的試玩報告,加上現場視察,喜歡速度感的我決定第一個機動遊戲就玩這個!除了跳樓機之外,速度最快就是這個!而且這個會搖擺很多次,fing上30米高空,車卡會轉動,有少許離心力,但不會反轉,非常抵玩XD 哈囉!我在左上角XD 2. 派對360 ($50) 速度較慢,但會反轉。 3. 終極跳樓機 ($80) 上到最頂有80米27樓高,會停OK耐先跌落尼(10幾秒),有好多時間比大家欣賞維港景色。下降速度最快,但只有一下,無回彈。 4. 陀飛輪 ($120) 新野,全場最貴,速度不算很快,會反轉。 5. 超級紐約滑梯 ($40) 大人、小朋友的至愛!6層樓夠高、夠長、夠滑、夠快!不過要行一條超級斜的斜路上去,慢慢行就OK! 點擊圖片放大 6. 瘋狂碰碰車 ($50) 估唔到架車超順,靈敏度好高又好快,正過海洋公園好多!如果踩到盡,會撞到飛起,所以唔好撞小朋友啦:) 夜晚個場好似Disco咁,好有氣氛XD 7. 狂野時速 ($50) 兒童過山車,大人都玩得。 8. 蟲蟲探險記 ($40) 兒童過山車,大人都玩得。 9. 繽紛可可杯 ($30) 10. 彩虹小飛象 ($40) 都幾高架! 11. 極速滑梯 ($30) 12.海盜灣迷你高爾夫樂園 ($40十五分鐘) 點擊圖片放大 13. 鞦韆樹 ($50) 不會fing得好高,13米 14. 雙層旋轉木馬 ($50) 15. 旋轉小蜜蜂 ($30) 16. 充氣布甸彈彈床 ($30八分鐘) 17. 兒童創意動感區 a) Mega Bloks動物園+積木池 (小童$50包一位家長陪同、額外大人$20) b) 充氣跑道障礙賽 ($40五分鐘) c) 交通安全樂滿Fun (小童$30十分鐘包一位家長陪同、額外大人$20) d) Hot Wheels ($50四分鐘) 見到家長手上面有遙控~ 18. 迷你小鞦韆 ($30) 有D座位上面放左公仔,好得意! 19. 迷你海盜龍 ($30) 20. 亞馬遜漂流記 ($20) B 攤位遊戲 入場的時候會派一封利是,入面有一張攤位遊戲券,適用於任何攤位遊戲一次。唔知係咪新春期間先會派呢? 1. Inside Out公仔 ($20四球) 2. Winnie the Pooh ($30八個圈) 拋個圈出去,要圈中條柱。 3. 馬騮仔 ($30八個幣) 拋個金幣出去,要停留在碟上。 貼士:拋個金幣去第一排的碟,等佢有機會彈落第二排既碟到。 4. 黃鴨仔 ($20四個豆袋) 用豆袋掟爆氣球,要超大力! 5. 米奇米妮 ($20四球) 6. 冬甩 ($20四個豆袋) 要掟到D樽離開個盤,跌落枱面。 7. 啤啤熊 ($20四球) 8. 啤啤熊 ($20四球) 拋入個木桶到,唔好彈番出尼,拋密線~ 9. 啤啤熊 ($20四個豆袋) 掟中佢就會訓低XD 10. 熊貓 ($20四球) 掟落D牙到。 11. 熊啤啤 ($20四個機會) 釣起個樽,令佢企直。 12. 牛仔、羊仔、豬仔 ($20四球) 拋個波去上面塊板到,令佢碌落下面個籃。 13. 啤啤熊/表情公仔鎖匙扣 ($20四球) 終點分開很多小格,每格代表不同分數,只須碌個波落去,碌到愈高分愈好。不過應該點都換到細獎 (表情公仔鎖匙扣),唔會食白果! 14. 小象 ($20四枝飛鏢) 15. 狗狗 ($30六球) 拋個波入牛奶樽入面。 16. 免費抽獎 (位置:木馬旁邊) 人人有份,永不落空。抽個號碼出尼,多數都係1號同8號,1號送2塊TimTam朱古力,8號送1塊TimTam同1個哨子。有D號碼好似係送一包TimTam! C 英國皇家雜技馬戲團 (1小時15分鐘的演出) >>Groupon<<正在推出$180門票買2送1的優惠。 表演時間:www.ticketflap.com/zh/twcarnivalcircus 點擊圖片放大 $480 VIP門票送爆谷或棉花糖,非VIP想食都可以在門口買($30)。 頭2排是包廂$480 VIP ,後面是$180。 第一幕:Mary Poppins!我的最愛呀,好開心! 第二幕:最緊張、最好睇的表演,佢地係上面又跳又蒙眼又跳繩! 第三幕: 第四幕:Lion King 獅子王 第五幕: 第六幕: 第七幕:邀請現場嘉賓玩遊戲,好好笑XD 第八幕:Frozen Let It Go,很美很美的畫面 第九幕:三架電單車在籠入面飛馳,特技味!汽油味XD 謝幕:充滿童話夢幻色彩!!聽住A Whole New World的配樂,睇住木馬慢慢咁充氣和升高,呢個畫面無得彈! D 影相位 細心留意的話,其實場內有很多Graffiti呢! 點擊圖片放大 就算唔睇馬戲,都可以過去影番幾幅靚相呀! 木馬又點少得呢!黃昏影最靚! E 美食街 枝裝飲品$20,食物都唔貴,最平$20-30有交易,意粉都只是$50。 有很多選擇,港/日/韓/台/西/泰式: 魚蛋/燒賣/燒雞全翼/黑豚肉串($20)、羊扒/烤腸/碗仔翅/雞蛋仔/魷魚/牛柏葉/Pizza/糖蔥餅/炸薯角/炸雞粒/薯餅/玫瑰湯丸/腐皮卷/凍茄子($30)、焗生蠔($40一隻/$100三隻)、鵝肝/韓式炸雞/湯麵($50)、燒春雞/烏冬/米粉($60)、漢堡包/炒飯($70)、燒豬三文治($80) 等等...... 在下圖左面「街頭小食」個到,登記電話成為MintCard會員,就可以換到美食街$10現金劵2張,每次可用1張。 F 夜景 點擊圖片放大 +3 G 其他資料 園內地圖: 大會提供的智能卡: 可以現金/八達通/EPS/信用卡增值,增值後不能退款,卡內面值只限當日使用。 交通: 油塘地鐵站A2出口,一出就見到右面可以落樓梯到茶果嶺道,然後向後行10幾步就會見到205R等緊你架喇,一落車就是嘉年華正門!走的時候一樣,嘉年華出口一出,右面就是205R巴士站。 205R免費,班次都幾密,我去同走都係即刻有得上車,上車無耐就開車,中間無站,車程10-15分鐘。 九龍灣、牛頭角、觀塘都有巴士/小巴: www.twcarnival.hk/c/cmspage.asp?content_id=105 開放時間: www.twcarnival.hk/c/cmspage.asp?content_id=94 如果喜歡我的文章,記得(1)在下面比個LIKE (2)在頁頂右面按「關注」:D 想睇下我平時生活去邊玩,歡迎follow IG>>ipjane<< THANKS FOR SUPPORT *V*