前排去到油麻地砵蘭街附近食咗碗好正嘅牛腩河門口個招牌寫住有「家傳滷水牛腩」、「馳名手工燒賣」，「牛腩芝士蛋治」、「黑糖仙草奶茶」 今日我哋試咗招牌上其中三樣嘢餐廳係茶餐廳格局不過牆上面放咗幾幅靚油畫🖼️增添藝術氣氛🎨估計係茶餐廳老闆啲仔女畫嘅😆點擊圖片放大 原來老虎岩餐室係大埔墟東昌街潮州粉麵店開過嚟。老闆係潮州人，童年時住老虎岩徙置區（而家嘅樂富）。為咗傳承老虎招牌，於大埔開店。老虎岩餐室係大埔老虎岩潮式粉麵嘅分店。呢度主打係牛腩，當然要試吓。我點咗個老虎岩招牌四寶河（四寶包括牛筋、金錢肚、牛膀、牛腩）四寶河湯底濃郁，全部牛筋、金錢肚、牛膀、牛腩非常入味，而且肉質鮮嫩，值得推介。MM爸點沙茶安格斯牛肉麵，餐室用潮州人入口沙茶醬，配美國安格斯肥牛🐄。沙茶醬香濃帶辣，安格斯牛油脂均勻軟熟，口感非常好。「馳名手工燒賣」食得出同平日嗰啲唔同，真係手工制，食到細細免治豬肉😍。 「黑糖仙草奶茶」就係一杯加咗仙草嘅奶茶，不過仙草份量比較少，得幾粒，奶茶偏甜，下次一定要叫少甜。老虎岩餐室 (油麻地)油麻地砵蘭街37號地下
