兩個月冇嚟西環堅尼地城卑路乍灣的海濱長廊,原來又有新嘢玩啦😍❗️最鐘意呢度定期換遊樂設施,真係要俾100分首先有呢個諗法嗰位高人。去IG睇Reels https://www.instagram.com/reel/Co2dTSpBAOR/?igshid=YmMyMTA2M2Y=點擊圖片放大 呢度嘅流動裝置、多用途空間、社區園圃都好正呀!大家仲可以去社區園圃買在地蔬菜添呀! 當日所見,有幾個家庭喺公園木質桌椅處開生日會添,唔知要幾點嚟搵位😆😆呢度個無敵大海景同咁Cute嘅大機械人都非常適合各位來打卡呢~ 前往方法於港鐵堅尼地城港鐵站 A出口,沿士美菲路向海邊步行5分鐘,轉入城西道,堅尼地城巴士總站後面就係西卑路乍灣海濱長廊啦另外,大家亦可以乘搭巴士 18P, 18X, 113, 904等,於堅尼地城巴士總站下車。