#來自美國加州的人氣Pizza店#超靚打卡塗鴉牆#PieologyPizzeria蕉媽畢業後一直喺中環一帶返工，對老蘭有特別感情，唔係因為我成日蒲😆，只因我同MM爸以前放工後，經常喺老蘭附近搵嘢食。 疫情後，老蘭夜晚真係靜咗好多。我哋早2日襯拍拖日去咗老蘭晚飯支持下，揀咗間叫Pieology 嘅Pizza店，全因被那幅超靚嘅塗鴉牆吸引。 上網一查，原來Pieology喺由美國加州開過嚟香港，創立Pieology嘅仲係以前好出名嘅網球明星張德培……個細佬☺️。 Pieology 嘅Mission - “Turn one of America’s favourite food into an affordable and interactive experience “，嚟到香港都一樣貫徹始終，食物價格唔算太高，而互動方面就係指顧客可以自選pizza的配料、醬汁及厚薄批，以及自己搭配沙律（自訂生果/蔬菜比例） 是晚我哋點咗一個自選pizza（$168），醬汁可以選自家製特式蕃茄醬、黑松露沙律醬、芝士醬及BBQ醬，薄餅底可以揀厚批或薄批，我哋揀咗個薄批、醬料一半用蕃茄醬、另一半用黑松露沙律醬。可選4款配料，我哋揀咗雞肉、辣肉腸、洋蔥及粟米。其他選擇包括蘑菇、辣椒絲、椰菜花及西蘭花。即場烤製嘅Pizza 特別香脆可口。另外，我哋點咗香辣烤雞翼（$68, 8隻），帶辣味嘅烤雞翼非常惹味🔥香草蒜蓉烤蝦（$68, 8隻）估唔到烤蝦嘅蝦味又幾鮮甜。沙律（$88）味道亦不錯就係有啲細杯🥗。 飲品我哋點咗2杯生果味乳酪奶昔（各$58），睇住店員用新鮮水果加乳酪及蜜糖加冰製作而成，好味又健康。 Pieology暫時仲等緊個酒牌，所以MM爸就冇得欲啤酒🍻啦😆嚟到呢度一定要喺塗鴉牆前面打卡留影呢❣️仲有廁所嘅牆上都有驚喜呀😄🫶點擊圖片放大 Pieology Pizzeria (中環)中環榮華里13號榮華大廈A座地下J號舖
