踏入炎夏，熱浪衝擊多個地方。最近睇新聞，知道法國和英國相繼出現超過40度嘅高溫，就連甲骨文（Oracle）化Google在英國的資料中心也傳出因冷卻系統故障，造成伺服器停頓。令我諗起早前喺一個新展館睇到關於全球暖化嘅數據。「今天，是過去的結果。」全球暖化，地球氣溫不斷上升。好多研究顯示都同人類活動頻繁有關⋯⋯話說上星期同大小M入新界探公公婆婆，路經大圍，一位佛教徒朋友曾經推介我哋去呢個推廣環保嘅新展館，所以我哋決定去呢個地方望吓。講緊嘅係慈濟環保願行館 ～ 我哋誤打誤撞聽咗由香港戶外生態教育協會高級項目及保育主任主講嘅一個海洋生態講座，大小M都非常感興趣，乖乖坐喺度聽左一個鐘。我哋透過講座了解 1️⃣香港海洋生態及生物多樣性2️⃣香港海洋危機-海洋塑膠垃圾✅原來雖然香港海洋面積只佔中國嘅0.03%，但係卻錄得全國大約26%嘅海洋物種✅有記錄嘅海洋物種總數目，最多嘅澳洲有32,897種、而香港都有5,943種✅講者也引用了My Nature Diary 2021年嘅海洋廢棄物統計（我哋早前去嗰個海洋廢物展的主辦單位） 聽完講座後，我哋參加了慈濟環保願行館嘅導賞團。慈濟環保願行館內設有四個常設展覽館，包括「地球館」、「大愛感恩科技館」、「蔬醒館」及「靜思人文館」。點擊圖片放大 展覽關於一切生命與「地球共生息」、「清淨在源頭」的命題。展館有好多具啟發性嘅展品和數據，包括🟠「環保一條龍、保特瓶再生旅程」示範 🟡由回收膠樽製作而成嘅環保毛毯、這些毛氈曾送送到44個受災國家🟢《香港拾樽》互動裝置探討香港不同地域嘅水質情況 🟣新媒體藝術家張瀚謙嘅作品《碳息》利用科學家收集嘅碳排放數據製作了藝術品「竹林」，探討60年的氣候變化問題點擊圖片放大 願行館於上世紀50年代初由胡文虎家族興建，後來捐贈給慈航淨院，改成幼稚園。幼稚園後來停辦改成環保教育站，2021年慈濟香港分會將建築物收件成慈濟環保園行館。點擊圖片放大 願行館除咗主辦有關環保議題嘅專題講座，亦有環保工作坊、流動回收站、素食烹飪班和環保市集等，非常適合親子同遊及大眾市民遊覽。點擊圖片放大 慈濟環保願行館大圍車公廟路5號開館時間：星期一、三至日上午:10am-5pm午休：12:30-1:30pm港鐵車公廟B出口，經行人隧道穿過馬路步行約5分鐘港鐵大圍站步行約15分鐘
