這一年因為疫情無得出外旅遊, 我地一家周圍揾香港有乜好去處, 不知不覺發掘左好多好地方, MM爸有日話, 其實香港咁多野睇, 都唔使咁辛苦搭飛機去旅行啦! 今次小足跡大世界帶大家來到荔枝莊, 荔枝莊是新界東赤門海峽東南岸的海灣鄉郊。 MM爸30年多前仲係童軍仔時第一次來呢度露營, 阿蕉媽就係20幾年前考愛丁堡獎勵計劃銀章時行山經過呢度, 都真係幾十年無黎, 完全唔記得呢度既風景啦 今次就帶同MM同表哥棘龍仔一齊來睇下。 棘龍仔爸爸一見到荔枝莊個海灣既岩石, 就驚嘆呢度好似日本宮崎市東南部海岸既鬼之洗衣板, 鬼之洗衣板的水成岩長時間受到海浪侵蝕, 砂岩層層推積形成。 荔枝莊的岩石是遠古時期, 由火山灰灑落湖泊而形成的。荔枝莊一帶的火山沉積岩層在早白堊世形成，名為「荔枝莊組」。「荔枝莊組」的岩層於1.46億年前形成, 主要出露於荔枝莊碼頭西邊的海灘，包含了沉凝灰岩、凝灰質的砂岩、粉砂岩、粗粒晶屑凝灰岩、條紋斑雜細粒凝灰岩，以至流動斑狀流紋岩。這裡的岩層的層理發育極佳，展現大量沉積構造。 我們下午1:15到達荔枝莊, 在荔枝莊西岸欣賞岩石和觀察海洋生物, 來回步行1公里, 到下午2:50起步到南山洞, 白沙澳及海下。此段路程全條為水泥路, 大部分路途平坦無梯級, 只需要上小量斜路, 非常適合一家大小。 我們於下午3:15到達南山洞, 下午4:10到達白沙澳村, 看到一些村屋和農田。於白沙澳村可欣賞到一級歷史建築何氏大屋。不一會兒到達白沙澳青年旅舍，我們看到有人參加了「兩手FING-FING去露營」的套餐, 正在進行野外煮食。於下午4:30到達海下。不過由於週日海下人滿為患, 我們等了1.5小時還未有等到小巴, 結果我們選乘的士回到西貢碼頭。😊 如何前往 :從沙田馬料水碼頭乘往來「馬料水至塔門」途經深涌及荔枝莊渡船航班可達。荔枝莊行程路線： 乘週末下午12:30開出的加班船, 由馬料水乘船往荔枝莊, 然後由荔枝莊步行到- 南山洞- 白沙澳- 海下。最後於海下乘7號小巴回西貢碼頭。 全程步行：7公里
