為咗盡量令所有事情可以在我預期之內,所以我連搭咩車,幾點會到達都預算埋,因為聽聞日本火車時間係超準時的,事實亦都如此 最好大家在手機內存定你要搭嘅車係咩色,咩NUMBER,果班車係向邊一個方向行駛,咁就萬無一失,因為我確實靠這樣認車. 仲有我會記低埋A站到B站既車資,咁買車票嘅時候個心都定D 無錯,我沒有幫襯當地嘅西瓜卡(SUICA),因為我去嘅地方唔多,而且又要俾DEPOSIT,就算有得退番,我都覺得麻煩,而且去到果度買車票,都唔駛排隊;真係唔識買,咪買最平果隻票,因為出唔到閘,去補番錢就得,而且......我都話一早CHECK好哂D嘢,根本就唔會攪錯. 未出發之前,我都有編定去邊度食乜嘢,不過自己又唔熟路,如果專登為左咁樣而浪費自己寶貴嘅時間,真係唔抵,而且我D同事話我知東京是旦一間舖頭都好好食, 所以最後我都係行到邊食到邊,而且真係度度都咁好食 ,我個細仔到尋晚都仲話好掛住東京嘅拉麵,烏冬,布甸...... 至於壽司,魚生,因為我個小朋友始終仲係細,所以唯有忍忍口,陪佢一齊唔食. 最後我出嚟嘅行程如下: 第一天: 香港 CX504 09:05起飛 - 14:10到達 成田機場 - 坐LIMOUSINE BUS 到新宿京王酒店 - 新宿高島屋 DISNEY STORE 買 DISNEY 2 DAYS PASS & SHOPPING - 食晚餐 - 東京都廳 (京王酒店地庫2樓左轉直行一出酒店再左轉直行就見到) 第二天: 06:30落餐廳食早餐 - 07:30出發在SHUTTLE BUS去DISNEY LAND - 東京駅行玩具街 *原本BOOK 咗 22:40回程, 不過 3月15日那天太凍了,只得攝氏10度左右,所以最後我倆玩到18:30就離開,然後盲摸摸去到東京駅 第三天: 前一晚買定今天早餐 - 坐09:00 SHUTTLE BUS 出發去DISNEY SEA - 22:25車回程番酒店 第四天: 預計10:00出門 最後 11:00 先出到門 - 在便利店吃小食 - 上野:玩具王國 - 上野:手信街 - 台場 (富士電視台-睇海賊王D嘢, 睇高達, 食章魚丸子, 食卡樂b著片, 台場一丁目商店街(無啦啦行到去 ), LEGOLAND - 玩具反斗城 - 21:30 回新宿食晚餐) 第五天: 新宿最後血拼 - 13:50 坐LIMOUSINE BUS 去成田機場 - 機場血拼(東京香蕉) - 18:05 CX505 返香港 - 22:35安全到達香港國際機場
