【世界趣聞】西斑牙地鐵告示禁止男人心一字馬 相信有好多人搭車時都遇過有人(通常都係男人)總係好鍾意擘開大脾坐,搞到旁邊乘客得番半個位,縮埋一邊咁坐,係咪好冇禮貌好討厭呢! 外國仲將呢個行為改咗個名─”Menspreading”。近日西班牙馬德里地鐵公司EMT就出咗個告示禁止男乘客岔開大脾坐,而市運輸公司更在Twitter宣傳MadridSinMenspreading (意指馬德里不要岔開大脾坐的男乘客) 嘅Campaign。 除咗西班牙,日本同紐約都有相似嘅告示。日本嘅告示好風趣,指乘客嘅座位闊度應該係你patpat嘅闊度,而唔係你能夠擘大脾擘到幾大。 紐約嘅告示都幾有美國特色…Hey Dude! 東南部嘅Pennsylvania Transportation Authority 亦搞咗個“Dude It’s Rude” 嘅campaign 但係呢D告示俾人話係性別歧視,因”Menspreading”字詞本身都只係指男性”men”,而地鐵告示中都係強調”Dude”,於是西雅圖運輸公司就用咗隻八爪魚避免人地話佢歧視男性,不過女士會咁樣擘大隻腳坐都幾驚人。