其實係玻利維亞UYUNI，主打睇天空之鏡既package選擇不多，而lonely planet入面介紹既旅行社，主要對象係想玩晒Uyuni週邊景邊，3日2夜既package。如果大家都係好似我，純粹想睇天空之鏡既話，以下呢間口碑不錯，係不錯既選擇! HODAKA MOUNTAIN http://www.uyunihodakabolivia.com 除左有網上既1 day tour (10:30-20:00)之外，去到佢地OFFICE時發現佢地每一日都分別有sunrise (0300-0800) 同 sunset tour! 我當然唔放過任何一個機會，兩個都報晒，仲報左1 day tour，因為可睇埋鹽湖周邊景點。 呢間旅行社深受日韓遊客歡迎，因為佢地有識講日韓文既導遊! 英文程度佢地都ok的，報名既方法好簡單，只需留意office 門外貼既報名表格，每個時段都有大約4,5部車會出鹽湖，每車限6,7人，填滿即係full左，要再搵第二日報，我地好好彩，當日去到book當日凌晨既tour 都仲有位。 提提大家，自駕到鹽湖應該係冇可能，因入夜咩燈都冇，電話訊號又冇埋，當地司機就好似憑感覺咁，行行下石屎路就係咁駛入鹽湖，個度係咩路牌都冇架!而且佢地亦好專業，識搵一d有薄薄一層水既地方，全靠呢層薄薄既水，我地先可以踏足到呢個好似天堂既地方! 因為水太深車不能駛入鹽湖，而冇水就不能做到天地連成一體既效果，旅行社職員仲同我地講旱季佢地都有方法搵到有水既地方，難怪每一日都見佢地辦公室擠滿人報名啦! (以下照片全部冇filter 加工，用iphone 影，當時見到一刻有少少感動到想喊，實在太靚啦!) 門外報名表 旅客評價 日出 日出 冇水時既鹽湖，一日團有得睇，我地仲係鹽湖上午餐 團友砌出uyuni既倒影:p
