之前提到「一個女仔去旅行」要考慮既因素，原來好多女仔都係最怕一個人瞓。咁係 咪代表怕一個人瞓就唔可以一個人去旅行？咁又未必!其實宜家好多地方既青年旅舍都好靚好乾淨，做到好似hip hotel咁，而當中有好多都會有四至六人 既宿舍房，有D會分埋男生宿舍、女生宿舍。宿舍裡面未必只係簡陋既碌架床，而係一個有私隱度既小空間，當然不會零噪音，但亦不至於你眼望我眼。重點係宜家 你無膽一個人瞓，又想一個人去旅行，揀女生宿舍就啱晒喇。如果真係怕嘈同驚唔夠黑會瞓得唔好，咁就自備眼罩同耳塞啦。住青年旅舍既好處除左經濟實惠之外， 我最鐘意就係佢地既公共空間。 公共空間通常係會提供簡單膳食、上網、娛樂等，當瞓唔著又或者想hea果陣(尤其是晚上驚嘈親同房既室 友），留在公共空間其實都唔錯。好多時候青年旅舍的工作人員都好健談又親切，當你一個人去得旅行，平時無乜人同你講野，係時候響公共空間「R水吹」。通常 單人旅客遇著單人旅客都會主動打招呼，大家都會先講自己來自邊度，然後就問大家今日去左邊度玩，食左D咩好野....互相交流下，如是者又會諗到聽日去 邊。 所以一個人既旅途未必會寂寞，一個人睡覺也未必會害怕，只要找對方向，我們還是可以踏上一個人的旅途。 快樂從來都是我們的選擇! 我的推介： 你好@台北 (NiHao @ Taipei Hostel) 呢 間hostel超方便，正正台北車站隔離(亦係天成飯店隔離），行去捷運或者火車站只係五分鐘，同圍都係食肆，好夜都仲有野食，樓下又有便利店。員工非常 親切，上次同朋友住呢度，我地仲同埋其他旅客，員工一齊為我既朋友攪左個小小型既生日surprise，一齊切蛋糕慶祝生日。 價位：$165 (一人女生／混合宿舍), $420 (二人房間), $585 (三人房間）,＄1061 （四人房間），＄1024 （五至六人） 忠孝西路一段41號11F-4, 臺北車站, 台北, 台灣 100 Trip Advisor評語： http://www.tripadvisor.com.tw/Hotel_Review-g293913-d2323367-Reviews-Nihao_Taipei-Taipei.html 可到Agoda book: http://www.agoda.com/zh-tw/nihao-taipei-hostel/reviews/taipei-tw.html?asq=Yxxpoibk9kjNjN3AXEkmkqT6oCSGAaye5O8zx8fLHJIGxcNZ1SdhNUs%2bndKl%2fq9hQV41CT83lzI8GpYerAr2g%2fPs06%2fyH0E9w4NF2kdbvDdbq%2f7XPueCL%2bH5wgzOH%2fHf 如果趁Hong Kong Airline做台北機票特價，再住呢間青年旅舍，四日三夜，千五蚊已經可以攪掂，台北大把野玩，隨時出走都無問題! 我既facebook page: https://www.facebook.com/Iamarunawaygirl 你好@台北 (NiHao @ Taipei Hostel) 點擊圖片放大 +2 不用帶旅遊書 有遊戲提供 留言(0) 上網位置 點擊圖片放大 小Pantry 飲料提供
