終於嚟到呢個超人氣城市（又名「文雀天堂」，搞到我有人行過旁邊都摸摸銀包），去咗南美一個月，我係第一次感受到咩係熱鬧。 如果話冰島報團最大壓力係，你報咗都唔知出唔出到，呢度報團最大壓力係，你根本唔知邊個講真，開價可以相差50蚊美金。事前已經遇到好多Backpacker同我講記得要講價呀喂。講完都係咁，到底係當我水魚，定真係唔同，我唔知。 例如，我book咗馬丘比丘最早個Time-slot，事先都已經搵定窮背包苦行式行三粒鐘——都未到，只係到最近個鎮嘅路程。咁一場嚟到，就睇吓搭單有冇咩團可以去吓。 原本我想用Salkantay trek行上馬丘比丘，但發現原來自己冇咁多時間，咁就不如試吓報印加古道嘅兩日一夜團。上網睇個「官方價錢」真係貴到大吃一驚，雖則人一世物一世，都唔係咁去法掛？ 於是，我問咗好多間唔同Travel agency，個個價錢都唔同，有啲聲稱冇飛都可以幫你班到飛（印加古道名額有限，分分鐘早幾個月就爆），但更多其實不過係叫Tour，同我行三粒鐘條路冇咩分別。 最後，有個印度婆sell我一個天價，然後話我行程太趕，要喺最近嘅鎮住兩晚，但因為見我得一個人，所以：「My friend, I can give you a private room」。 我問：「So how come you offer the 2 Days 1 Night trip? If everyone has to stay for two nights?」 佢答：「No! Because the others’ itinerary is not as rush as yours, so that’s why they can only stay for one night.」 我學返佢語氣問：「My friend, how come I got the earliest time-slot still too rush? So how you define “not rush"?」 如果自己行入去的話，一般都係下午到、第二朝上馬丘比丘、第二日下午就可以走，趕唔趕就真係見仁見智，唔想太趕咪留多一晚囉！咁如果你買咗下午場嘅飛，就真係要留多一晚喇（因為你第一日再早去到都三四點，一定冇可能入到去），但絕對唔係由你去定義，我一定要留多晚。如果我買早飛都趕，咁你個兩日一夜團係點嚟？ 佢知自己柒咗，即刻扮打電話（又俾我睇到個電話根本冇開），講完一大輪西班文牙想收線果刻，發覺自己原來mon都冇開，佢尷尬咗一下，我扮睇唔到啦。大佬，我勁想笑呀果吓 然後，佢即刻扮曬嘢叫佢Partner埋嚟傾，做個好深思熟慮樣，話可以俾我住一晚就得，再送多杯Pisco Sour（南美著名cocktail），我無啦啦做乜要貪你杯Pisco Sour，你個「團」咁貴而行程我自己行都行到去，咁都要收咁貴？！ 佢仲係咁My friend前My friend後問我考慮啲乜？繼續落足嘴頭：「My friend! It is impossible for you to go Machu Picchu by yourself!」 I am not a fool la my friend 結果格價格咗幾個鐘都決定唔到（除咗馬丘比丘都冇得自己搭車去，其他團一定要自己報），我突然好懷念貴到癲嘅冰島：劃一價你book就book，冇價講，唔報唔該下一位。 之後，我再報其他團，當然都係有中伏啦，甚至搞到好大獲，稍後再分享。 其實當日去馬丘比丘，對呢啲歷史遺跡我係堅想有個Guide。一如巴爾幹半島，啲外國人知道曬堆歷史，而我淨係識考試Sample answer時，其實幾冇癮，而我都係出發前兩日先wiki咩係印加帝國、西班牙人幾時搞過南美。 不過呢，到最後我都係搵唔到有咩團合心水上馬丘比丘，如果我報完個團，點聽都係同我自己去冇分別，所以，我決定自己去。 【延伸閱讀】無與倫比的震撼氣勢，終於來到馬丘比丘 【延伸閱讀】我在沙漠中的綠洲：Huacachina, Peru 【延伸閱讀】南美之行一大「唔去唔心息，去完呻笨柒」之地 小弟用五年時間籌備的原創小說反應熱烈，只剩最後不足十本，歡迎直接下單：goo.gl/J9QdBR 全新自製Postcard正式開售，歡迎下單！現凡購買新書，即送兩張Postcard！詳情請看：goo.gl/Dfmpbc 台灣書局兼網上平台亦已上架，可去文中連結購買：goo.gl/xzCymP 更多資訊及文章，請Like Fb Page： 【有故事的旅人】 【晞。觀影記事】 IG請Follow： #travelerwithmovie
