大家有嘗過以下的對話嗎？ 例子1： 「喂好耐冇見喇！呢排點呀？」 「都係咁啦，好忙呀。」 「咁耐冇見不如出嚟食個飯？」 「好呀！」 「你幾時得閒？不如下星期二？或者星期四都得」 （兩個藍剔永遠已讀不回） 例子2： 在某個Whatsapp group內，你興致勃勃地問： 「明仔同豬女就生日，不如搞個飯局丫！」 「好呀」「正呀」「係呀，好耐冇見喇！」 「我今個星期唔得呀」「不如下下星期？」「我幾時都得」 然後突然有一精警的人說：「我呢排好忙呀，未知幾時得閒，不如大家講低未來半年邊日得閒？」 。。。明仔同豬女下個月生日囉。 然後，這位Dead-air maker令大家又成兩個藍剔永遠已讀不回。 例子3： 「呢排咁好天不如去下沙灘丫！」 「好呀」「正呀」「係呀，好耐冇見喇！」 「擇日不如撞日，今個星期日？」 「其實都幾熱」「會唔會落雨架？」「阿邊個去唔去？佢去我先去架」「室外嬉水呢D咁青春活動好似唔係幾適合我」 。。。 例如4： 「喂好耐冇見喇！呢排點呀？」 「都係咁啦，好忙呀。」 「咁耐冇見不如出嚟食個飯？」 「食咩飯丫？我忙到廁所都冇時間去呀，你估個個學你咁得閒呀？」 （這次到我變成兩個藍剔永遠已讀不回） 人愈大，自會覺得身邊的人「忙」得有點過份，若不維繫的話，一個又一個的朋友漸漸遠去。從前，我們隨便撥個電話便能應約，甚至是一個慣例，大家每星期總會聚一聚，如今卻「忙」得連喝一杯的時間也沒有。 許多人會覺得，這些待你如陌路人的朋友，維繫感情來幹嗎？只是，若不去苦心經營的話，這些昔日珍重的友情，便會一個接一個慢慢消失，直至有天我們要翻開舊日合照，才想起大家曾經的舊情。可是，許多時候又會無可奈何，甚至連你自己都累了，選擇放手。 因應兩個專頁Blogger的身份，偶爾我會有一些Free Trip、Free Trial、優先場或首映戲票等活動，很多時候可以多帶一個朋友出席。曾經，我誤以為這些活動很容易約人，卻發現原來大家也諸多挑剔：「咁夜架？」「嘩去咁遠？」「咩餐廳嚟架聽都未聽過！」「咩戲嚟架？我都唔睇戲嘅！」「幾大個人呀？仲去玩迪迪尼？」甚至，有人更會覺得與其免費，倒不如先行答應，繼而臨時「甩底」：「你都係唔好預我住喇」「如果你搵到第二個就同第二個去啦」。他們或不知道，臨時一兩小時前才「甩底」，最終結果我都不會找到任何人。漸漸，我索性不太想去約人，免得煩了自己。 未幾，當大家習慣了你的「免費」時，又會問：「哈佬喂有冇飛？」「我想睇乜乜乜戲呀，你有冇飛？」「某某酒店有新Buffet呀，你識唔識人？」早前我想去澳門看場歌舞劇，問了許多身邊的朋友，大家都問：「唔駛錢呀？我去呀！」我也想我認識盡全世界所有公關能給我免費欣賞各類型表演、參與一切活動，結果大家知道要自付銀兩時，幾乎全均會拒絕：「要錢呀？冇興趣！我呢排好忙，sor。。。」 我sor你老＿咩，係咪唔駛錢你就唔忙？ 原來，我在大家心目中已成了一個「免費」的icon，坦言，得到這些反應，其實有點傷心的。 我不是一個喜歡求人的人，也不想一段友情的維繫要建基於「求人」身上，每個月問你一次「幾時得閒出嚟食飯」，然後又被無限個「好忙」「好忙」「真係好忙」作藉口，真真正正是「你唔煩我都煩」。對呀，面對著這些擺明已走到末路的「友情」，其實已經沒有維繫的必要，再不捨得也只好Let it be。 一段關係是需要雙方的維繫，無論是友情或愛情也好，單方面不斷無限付出，其實真的會很累。可能，人大了，圈子許多時候只局限於一些笑裡藏刀的同事關係，又或是建基於某些工作夥伴、某個event project中。工作完了，大家各散東西，似乎誰也沒覺得有聯繫的必要。要得到一段真正的友情，確實非常之難。我常覺得一個人再「忙」，怎得也要吃飯，哪管再「忙」也好，真正的朋友絕不介意到「麥記」或兩間「大記」吃頓快餐聊兩句也無礙。偏偏，有許多人聲稱會「忙」得連吃飯都沒有時間，你卻又會看到對方的生活多姿多采，一點也不「忙」，到最後，只是看大家的地位有多重吧？ 約人吃頓飯已難比登天，要約人去遠遊幾乎已是沒可能的事。有些地方想去很久，始發現大家「忙」得約了幾年還沒有成事。我非叫你一起去冰島唱《羅生門》，只是叫你去南丫島逛逛，但其實沒有誰會有空。 早前，終於成功約到了朋友，難得地無需半年或一年前「預約」，差不多是「即興」地到了塔門一趟，那天的成功甚至令我有點難以想像，慶幸，身邊還有這些願意應約的朋友。 當然，更好的是那些能多年來一直保持聯繫，甚至住在附近的朋友： 「喂，搞緊咩呀？」 「冇呀」 「落嚟茶記食個飯丫！」 「好呀，五分鐘後你樓下等？」 我明白大家出來社會工作後，確是各有各忙，但百忙中仍能即興找到時間應約的朋友，無需「預約」半年的人，我知道將會隨著年紀增長愈來愈少。請珍惜，那些還會應約，甚至還會主動約你的朋友。哪管只剩下最後一個，也請別輕易放棄這些真正的友情。 攝於塔門，香港 Facebook專頁: https://www.facebook.com/360.days.in.australia
