去九龍城梗架係去食泰菜啦，今次去咗新開「泰式美食」吃地道泰國菜，入到去發現老闆娘同伙計都係泰國人，老闆娘同我地講原來舊舖係南角道，因市區重建而家搬咗去福佬村道，價錢都算親民，埋單 $554，重點又冇收加一，份量都大份同抵食。🥤芒果沙冰/菠蘿沙冰 兩杯沙冰又大杯又好飲，芒果🥭沙冰好清香又甜，菠蘿沙冰酸酸甜甜又有菠蘿味道。 🥢 冬陰功海鮮湯 上枱時已聞到冬陰功香氣，有唔少南薑、檸檬葉同香茅等等材料，湯底濃郁，酸香撲鼻，飲落有少少辣，入面有秀珍菇 、蕃茄同爽甜大蝦。🥢 咖喱炒軟殼蟹 + 薄餅 炸到外脆內嫩啖啖肉的軟殼蟹配上惹味又creamy 黃咖喱汁，重有爽甜洋蔥同紅椒，黃咖喱汁點埋薄餅一齊食，真係絕配。點擊圖片放大 +2 🥢 小食拼盤 酸辣爽口鳳爪份量超多，酸酸辣辣好開胃，惹味又香口蝦餅，足料春卷食到有芋頭粒粒同粉絲等等材料，雞翼入味又香脆同外脆內軟的雞卷。🥢 柚子沙律 滿滿柚子肉，柚子酸酸甜甜配埋大蝦🍤，腰果，炸蒜片，又清新又足料，食完好醒胃。點擊圖片放大 +3 喜歡我的分享？記得like 🩷 + Follow📌我！🔸 泰式美食 🔸📍九龍城福佬村道21號地舖喜歡看我煮嘢食，周圍食好西，周圍逛，同分享下去旅遊點滴同shopping 攻略就Follow Me啦我的IG: @jacko_dailylifehttps://www.instagram.com/jacko_dailylife?igsh=MTN5NzZ6eGVoeWJ0MQ%3D%3D&utm_source=qr
