今次同朋友去咗萬象天地食嘢，過關後在大眾點評Apps 拎定可以排隊「金牌陶陶居」，呢間都係人氣排隊店，連續4 年拿了米芝蓮廣州推薦餐廳同連續6年蟬聯全國粤菜餐廳，到店後，等咗10 分鐘左右有位，如果有得遙距拎位記得拎定飛，慳返啲時間。今次我哋散叫咗幾款招牌菜同點心，味道唔錯。陶居居大蝦餃 ¥39蝦餃勁大隻，皮薄適中，蝦仁飽滿又爽甜。 銀鱈魚櫻花蝦皮腸 ¥48 （推介必叫之選）紅米腸粉皮薄又多料，入面包住櫻花蝦同銀鱈魚又香又好味😋。 陶居居百年燒鵝¥108 （推介必叫之選）同我哋平日食嘅廣東燒鵝有點不同，燒鵝上枱後店員再加上醬汁，燒鵝本身肉質嫩口，皮脆點埋醬汁一齊食幾好味。啫啫生菜煲 ¥52 （推介必叫之選）一上枱以已經聞到惹咪蝦醬味道，生菜又脆又甜。 冰鎮咕嚕肉 ¥88 （推介必叫之選）除咗賣相靚，咕嚕酸酸甜甜咕嚕肉又脆又嫩。 一口酥豆腐 ¥32 （推介必叫之選）必叫一口酥豆腐，豆腐外酥來軟滑，入口即溶，非常好吃。 鳳梨酥小吃 ¥15味道一般，冇特別。 酥皮水牛奶菠蘿包 （忘記影相📸） ¥32菠蘿包面烘得幾香脆，入面係半流的水牛奶，有點爆槳感覺，我就麻麻地因太奶了，朋友就話唔錯。埋單¥461 ，係大衆點評用¥95當¥ 100 代金劵，最後係¥441，每人¥ 110 ，都算抵吃。🔸金牌陶陶居（萬象天地店）🔸📍粤海街道大冲社區華潤萬象天地L1層SL186🚈 深圳地鐵1號線高新園站喜歡看我煮嘢食, 分享下旅遊保險點滴，周圍食，我的手作,同，分享周圍遊蕩同好吃CAFE就Follow Me啦❤️，我的手作IG: Handmade-with fun（@handmadewithfun）• Instagram 相片與影片個人網誌IG: JW_小生活_愛食_愛旅（@jacko_dailylife）• Instagram 相片與影片個人網誌FB: Jw_小生活_愛食_愛旅行 | Facebook
