超推介喜歡食海鮮🦞的朋友，如果去清蕅旅行必試呢間海鮮餐廳，本身係有海鮮 buffet 每人 699 baht ，即叫即做任食3 小時，但因我哋𣎴是太食得，所以冇叫食任食海鮮 buffet ，有散叫同套餐，我哋見到有海鮮四人套餐 （1850 baht ）就order 試吓，估唔到份量超多有烤河蝦、粉絲烤蝦煲、炸爐魚、蒸蟹、烤魷魚、避風塘蝦、東風螺、冬陰功蝦湯，其實足夠4-5人份量，我哋都食唔哂，每人除返 HKD $105 食到超級豐富海鮮餐，超級抵食。全部海鮮都係即叫即整，烤河蝦同烤魷魚真係不得了，烤河蝦有手掌咁大隻，重有15 隻咁多，烤得又剛剛好，滿滿的半熟蝦膏又鮮又甜又彈牙，超級好食😋。烤魷魚🦑又係好大隻，好鮮又彈牙。炸爐魚有驚喜，炸都好酥脆同完全沒有魚腥味，肉質結實新鮮。冬陰功蝦湯好地道，又酸又辣，越飲越辣，大家都話夠地道又好飲。蒸蟹、避風塘蝦、東風螺同粉絲烤蝦煲都係好出色。我哋去咗尼間近尼曼區係室外露天坐，十二月份清清涼涼無什麼大問題，如果夏天可能就會熱少少，佢有第二間分店係有室內有冷氣近舊城區，大家記得bookmark 定去開清邁必試的海鮮餐。點擊圖片放大 +8 小貼士💡:訂位可以FB PM 超方便。https://www.facebook.com/share/1XNAHbgVNV/?mibextid=wwXIfr🔸KUNG YIM 🔸 📍38 Taeparak Rd, Tambon Chang Phueak, Mueang Chiang Mai District, Chiang Mai ⏰ 11:00 to 22:00喜歡看我煮嘢食, 分享下旅遊保險點滴，周圍食，我的手作,同，分享周圍遊同好吃CAFE就Follow Me啦❤️，我的手作IG: Handmade-with fun（@handmadewithfun）• Instagram 相片與影片個人網誌IG: JW_小生活_愛食_愛旅（@jacko_dailylife）• Instagram 相片與影片個人網誌FB: Jw_小生活_愛食_愛旅行 | Facebook
