去咗Airside 睇戲順便去揾食，見到呢間係釜山過江龍韓國燒肉餐廳 「肉味情談」食lunch ，假日都有商務燒肉餐，有豬、牛同雞肉，價錢都幾抵食就試吓。裝修優雅，有落地大玻璃窗，環境望住啟德景色，光線充足，空間寬敞，坐得舒服。下單後店員先放上燒烤爐具再係爐邊放泡菜蛋同粟米芝士，之後再送上五碟韓式小菜 - 泡菜、麻油豆芽、甜醬白菜等等，色彩繽紛，好地道韓國風味。 商務燒肉餐 $398商務燒肉餐都好豐富，豬肉有一級五花肉，秘製一級韓國豬肋骨，醬油豬腸、牛肉有厚切牛小排、厚切牛舌同蘋果梨汁雞肉 ，全部都好新鲜。豬肉有一級五花肉，秘製一級韓國豬肋骨，醬油豬腸 - 五花肉肥瘦均稱，紋理豐富，烤過後，外層帶脆，肉質嫩滑又香口，秘製醬汁醃製豬肋骨，味覺層次豐富，肉質好香濃，烤過醬油豬腸，燒到兩面脆卜卜，外脆內軟又惹味又好食。牛肉有厚切牛小排、厚切牛舌 - 厚切牛小排肉味濃，脂肪紋理清晰平均，烤完肉質脂香又肉嫩，厚切牛舌口感較爽脆、想當出色。蘋果梨汁雞肉 - 雞肉質感非常嫩滑，啖啖肉，雞肉用蘋果梨汁調味過，所以唔需要再點醬汁都好好味道。點擊圖片放大 +2 🔸유명진의육미정담 肉味情談(九龍城)🔸📍九龍城啟德協調道2號AIRSIDE 5樓L506號舖點擊圖片放大 我喜歡看我煮嘢食, 分享旅遊點滴，周圍食，我的手作,同分享周圍遊同好吃CAFE就Follow Me啦❤️，我的手作IG: Handmade-with fun（@handmadewithfun）• Instagram 相片與影片個人網誌IG: JW_小生活_愛食_愛旅（@jacko_dailylife）• Instagram 相片與影片個人網誌FB: Jw_小生活_愛食_愛旅行 | Facebook
