今次去曼谷去咗吞武里市場食海鮮🦞,呢度都幾大,約2個足球場的大小,市場分為三個區,分別為美食熟食區,生鮮區以及雜貨區,大約有接近500個攤檔,市場內明亮乾淨,每個檔口都乾淨整潔,而不是那種髒兮兮的海鮮市場｡ 最吸引就屬生鮮區,無論海鮮,肉類,新鮮蔬果都可以,市場最新正的地方就係只要幫襯海鮮檔買海鮮,店家會幫你免費烹同加工,呢個service 真係無得頂,店家仲會提供餐具,手套,泰式醬料點海鮮,加上價格合理,怪不得不少本地泰國人同遊客專登過嚟食海鮮｡點擊圖片放大 +8 呢度真係好多唔同種類的海鮮,樣樣都好吸引,今次我哋試咗河蝦,肉蟹,帶子,蠔,全部我哋都係叫店家幫我燒烤,買咗四款海鮮都係2200Baht 超級抵食｡ 河蝦好大隻,有手掌咁大,炭烤河蝦,原汁原味又鮮又甜又彈牙,好正｡肉蟹一樣有手掌咁大,炭烤肉蟹超級鮮味又勁力蟹膏,好味又邪惡｡烤過帶子同蠔都好食😋,因為夠新鮮超鮮味｡點擊圖片放大 +5 我哋call bolt 由 on nut 洒店直接去吞武里海鮮市場大約40-50 分鐘,價錢420 baht ,又唔贵又方便｡🔸吞武里海鮮市場/Thonburi Market Place 🔸( ตลาดสดธนบุรี ถนนบรมราชชนนี) 📍58 Borommaratchachonnani Rd, Sala Thammasop, Thawi Watthana, Bangkok 🕖 Mon to Fri : 07:00 to 20:00, Sat/Sun : 07:00to 21:00
