呢間主打食生蠔同各類海鮮，招牌蠔王有九種煮法，有D都幾創新，梗有一款啱你口味，餐廳門口旁就係是各式各款海鮮區，即揀即煮，價格合理又抵食。點擊圖片放大 +5 招牌蠔王¥12/隻，而家做緊買10 送2 ，不過我哋就無揀，見有另外其他優惠都好吸引🤩，試了其他優惠。🥢 加拿大小波士頓龍蝦海味蒸水蛋（限量特价） ¥99 (大眾點評打卡及寫食評加¥99就可以下單）（有4 款煮法可以揀：薯角避風塘/海味蒸水蛋/蒜蓉勝瓜蒸/麻婆豆腐煮）我哋揀了海味蒸水蛋，估唔到咁大份同非常好食，水蛋蒸得剛剛好，好柔软又滑嫩，水蛋吸收了小龍蝦🦞肉同元貝仔精華，特別鮮甜，龍蝦肉爽口又彈牙，好抵食，必叫之選。 🥢 高壓鍋大蠔 🦪 半打 ¥48壓力煲高速煮大蠔，店員好快手趁熱開蠔，原味原味，蠔肉又 creamy又肥大又鮮味，¥8/隻，好掂。點擊圖片放大 +2 🥢 咸蛋黄焗中蠔 🦪 半打 ¥48叫了另外一款煮蠔食法，好邪悪咸蛋黄焗中蠔，焗得剛剛好，又咸香又惹味，個人幾喜歡💕。 🥢 蟶子炒勝瓜¥68清清地蟶子炒勝瓜，勝瓜鮮甜，蟶子又多又鮮味。 🥢 凉拌無骨黑鳳爪¥38辣辣地無骨爽口黑鳳爪，幾入味。唔錯。 🥢 鹽水煮白貝 （大眾點評打卡及寫筆記送）雖然是贈送的，份量都唔少，以油鹽水鑊仔即煮白貝，熬至奶白色，白貝肉質彈牙又鮮味又甜。 收藏打卡送有 「銀耳枸杞」 糖水，味道都ok。埋單¥319 ，可以在美團買兩張Coupon ，最後¥306 ，每人¥102 🔸觀蠔海鮮 (海岸城店)🔸📍南山區文心五路33海岸城購物中心五樓515鋪🚇 后海地鐵站D2出口 行550 m喜歡看我煮嘢食, 分享旅遊點滴，周圍食，我的手作,同分享周圍遊同好吃CAFE就Follow Me啦❤️，我的手作IG: Handmade-with fun（@handmadewithfun）• Instagram 相片與影片個人網誌IG: JW_小生活_愛食_愛旅行（@jacko_dailylife）• Instagram 相片與影片個人網誌FB: Jw_小生活_愛食_愛旅行 | Facebook
