係東京有唔少Omakase店，今次試了在中目黑駅附近的 「鮨 たつ也 よしかわ」，超高質又好食😋，Omakase set 13200 yen + 飲嘢 800 yen ，人均 14080 yen （大約HKD $710）就可以食到一共18道菜，又高質又好食，食完好滿足同真係幾飽下😀，推薦大家去試下。點擊圖片放大 Omakase店只有12-13 個位，想食就要預先在Table check book 定位啦。https://www.tablecheck.com/shops/sushi-tasuya-yoshikawa/reserve?Today special海膽配炸拖羅壽司 - 海膽份量都唔少，又新鮮又鮮甜，炸咗拖羅入口即融化，好喜歡這個today special 。 刺身二款油甘魚 Kanpachi 同中拖羅 - 兩款魚都鮮味。 壽司1️⃣ 伊佐木 - 味道鮮甜彈牙。2️⃣ 春子鯛 - 很香柚子味道的春子鯛好正。3️⃣ 鰺 （あい） - 有醬油味的あい好鮮味。4️⃣ かます - 很香煙燻味，師傅加了少少鹽，魚味很濃。 食完4 款壽司，師傅送上子薑片清下口，之後食烤鱸魚同蠶豆，炸蓮藕片，鱸魚好滑好好味，烤過的蠶豆幾得意😊。 師傅再整壽司5️⃣ 甘海老 - 個𧎚勁鮮甜 。6️⃣ Torotaku - 拖羅粒粒上面加咗好脆醃製蘿蔔粒粒，好match 又好吃。7️⃣ あさり - 好飽滿又鮮甜蜆仔，師傅入面加檸檬汁同紫菜蘇葉，令壽司再提升。8️⃣ おおとろ - 大拖羅上面有些蝦仔，正😍。 食完壽司，師傅又送上吞拿魚同八瓜魚粒粒刺身，又鮮又甜。 之後師傅整重頭戲七輪珠 （太卷），尼個真係無得輸。七輪珠 （太卷）- 用七粒醃醬咗的蛋黃，師傅再放勁多拖羅同海膽整的七輪珠，用料好新鮮，入口即化，尼個真係好正😊。 燒鰻魚手卷 - 尼個燒鰻魚燒又香又脆，好好食😋。 魚子吞拿魚，油甘魚小丼飯 - 勁多魚子撈埋吞拿魚同油甘魚一齊食正同勁香柚子味道。 最後送上湯同甜品 甜品都好出色，係白朱古力慕絲，慕絲入面有抹茶，再配芒果汁，入口即溶，yummy 😋。 🔸Sushi Tatsuya 鮨 たつ也 よしかわ🔸📍 東京都目黒區上目黒１丁目１９−4 中目黒ＴＮビル 1F🚇 中目黒駅徒歩2分鐘喜歡看我煮嘢食, 分享旅遊點滴，周圍食，我的手作,同分享周圍遊同好吃CAFE就Follow Me啦❤️，我的手作IG: Handmade-with fun（@handmadewithfun）• Instagram 相片與影片個人網誌IG: JW_小生活_愛食_愛旅行（@jacko_dailylife）• Instagram 相片與影片個人網誌FB: Jw_小生活_愛食_愛旅行 | Facebook
