行完甘坑古鎮就早少少出返去市區搵食，今次試了連續7年獲得深圳豬肚雞TOP 1 同深圳煲仔飯TOP 1 - 順德公豬肚雞，尼間火鍋店有唔少分店，我哋去咗洒店附近福源大厦 - 岡廈店，下午6:15 左右到，不用等位直接入座。 我哋五個人係美團買咗個四人餐再加幾款食物。四人餐 （RMB 368） ，原價RMB 412 （有九折）1️⃣ 招牌猪肚雞煲 （大）2️⃣ 金牌臘味煲仔飯3️⃣ 顺德魚皮餃4️⃣ 特選肥牛 /粒粒蝦肉黑虎蝦滑 （2 選1）5️⃣ 手工柴火黑豆腐/土猪午餐肉 （2 選1）6️⃣ 雜菜拚盆包四個茶水，自助調料，紙巾同餐前小吃。招牌猪肚雞煲店員打開蓋已聞到很香胡椒味道，湯底醇厚濃郁，奶白色，先飲湯，嘩好好飲，重味者可以自加胡椒在湯內更加胡椒，每一啖湯都能感受到猪肚和雞肉的精華，完美地融合在一起，如果冬天飲更暖胃，雞肉新鮮有肉質感，豬肚肉質厚實有咬口，如果湯底唔夠 ，可以叫店員再加湯，不是加水，真係抵讚👍。點擊圖片放大 金牌臘味煲仔飯真係好正，店員話明火現煲，火候控制得好好，做到鍋氣十足，飯香嘖嘖，又有飯焦，飯焦香脆，又多臘味，飯粒滿有臘腸香味 ，好食😋。 順德公手工魚皮餃 餃皮用上新鮮魚肉，豬肉餡料幾鮮味又好味。特选肥牛朋友话肉质唔错。有牛的味道。手工柴火黑豆腐味道有点㶶㶶的味道，我哋不是太喜欢。粒粒蝦肉黑虎蝦滑（加RMB 42)蝦滑又彈牙又有蝦味。 汕頭手打純牛肉丸 （加RMB 36)食的時候有爆汁，很香牛肉味道。手打墨魚丸 （加RMB 38)很香墨魚味道同幾彈牙。埋單RMB 500 平均RMB 100 左右，真係抵到爛。點擊圖片放大 🔸順德公豬肚雞 (福源大厦 - 岡廈店） 📍 深圳市福田區彩田路2014號福源大厦1層🚶🏻♀️➡️崗厦地鐵站-E 出口行8 分鐘⏰ 11:00 - 22:00喜歡看我煮嘢食, 分享旅遊點滴，周圍食，我的手作,同分享周圍遊同好吃CAFE就Follow Me啦❤️，我的手作IG: Handmade-with fun（@handmadewithfun）• Instagram 相片與影片個人網誌IG: JW_小生活_愛食_愛旅行（@jacko_dailylife）• Instagram 相片與影片個人網誌FB: Jw_小生活_愛食_愛旅行 | Facebook
