除咗整有料蘿蔔糕，都整咗我的拿手小食櫻花蝦芋蝦，今年係一田超市見八珍買一盒$223 得12 個，真係好貴呀，不過人手逐粒整，都係心機錢，咁自己整就平好多，我買咗個芋頭$25，一個炸咗30個芋蝦，我一路炸一路偷食 😁。材料：芋頭500g（大約半個剝皮後）糯米粉10-15 g鹽少許 1-2g五香粉適量 10-15 g白芝麻15-20g櫻花蝦 適量 做法：1️⃣ 將芋頭去皮，冼淨後抹乾，刨絲或切絲，先整刨或切絲半個芋頭，再刨或切絲整另外半個芋頭就唔怕芋蝦太軟同黏在一起。 2️⃣ 整好芋絲條，放入調味料攪拌均勻，有少少軟身就可以炸。點擊圖片放大 +3 3️⃣ 燒熱油鍋直，用筷子🥢插下時冒氣泡，轉中小火。（溫度大約130度左右炸就very good）4️⃣ 先試吓放一條芋絲在油鍋看有冇小氣泡，有就可以將適量芋絲扭成球狀，放入打邊爐隔篩，兩邊夾好再放入油鑊炸，不要壓，炸到一面定型，用筷子輕手同慢慢地將一邊離罩，再反轉再炸，另一邊定型後，很容易就會離罩，炸至金黃色同無氣泡就可以撈起。點擊圖片放大 +4 5️⃣ 準備廚房紙在盤上，將已炸好芋蝦放上，吸油瀝乾同放涼後就可以即食同放入樽內保存。 💡小貼士💡1️⃣ 炸芋絲時不要太心急翻出起，要用小火至中小火，最多只能中小火，炸到定型就很容易拿出來。2️⃣ 刨絲工具，用最簡單的刨絲刨就可以刨出又長又幼的芋頭絲。3️⃣ 如發現己調味的芋絲有點濕或黏，可以加少許糯米粉撈一撈。4️⃣ 整芋蝦波時不要壓同鬆身點，用扭芋絲方去會炸得靚D。5️⃣ 記得用廚房紙隔油瀝乾，如果唔趕時間可以用廚房紙瀝乾兩次，更可口。加了樱花蝦的芋蝦比原味更香更好味😋，大家有興趣可以放假試吓整。 喜歡看我煮嘢食，分享旅遊趣事，我的手作，同分享周圍遊同好吃CAFE就Follow Me啦！我的手作IG: Handmade-with fun（@handmadewithfun）• Instagram 相片與影片個人網誌IG: JW_小生活_愛食_愛旅行（@jacko_dailylife）• Instagram 相片與影片個人網誌FB: Jw_小生活_愛食_愛旅行 | Facebook
