今年遲咗整蘿蔔糕，不過都係有料多蘿蔔糕，用咗泰國櫻花蝦/蝦米，北海道瑤柱，加拿大臘腸，加埋本地肥大蘿蔔，又甜又多水，食的時候有一絲絲蘿蔔條，好好食😋。👉材料：1️⃣ 蝦米適量2️⃣ 櫻花蝦適量3️⃣ 瑤柱 10粒 （適量）4️⃣ 臘腸4-5條5️⃣ 白蘿蔔 兩條剝皮後）1800g 6️⃣ 粘米粉 216 g7️⃣ 粟粉/澄麵 各 22 g8️⃣ 薑片9️⃣ 白芝麻 👉調味🧂：1️⃣ 鹽2️⃣ 冰糖3️⃣ 胡椒粉4️⃣ 蠔油👉材料準備：1️⃣ 蘿蔔去皮洗淨，一半刨絲，一半切幼條，備用。 2️⃣臘腸冲水後切粒粒，備用。3️⃣瑤柱洗淨浸軟，再撕成絲，備用。（留番瑤柱水）4️⃣ 蝦米洗淨浸30分鐘，可以再切小粒，備用。（留番蝦米水）5️⃣ 粉槳1:1比例，我粉用咗260 g，水部份就用260g 蝦米同瑤柱水，粘米粉216 g，粟粉22g，澄麵22g，攪勻後備用。 👉 製作過程：1️⃣ 鑊加少許油，先炒蝦米，臘腸，瑤柱絲，最後放櫻花蝦炒香備用。點擊圖片放大 +5 2️⃣ 同一個鑊加油加薑片起鑊炒香，先加入粗條蘿蔔煮一煮，再加入幼條蘿蔔一齊煮，加少許冰糖大火煮12-15 分鐘左右，出咗唔少蘿蔔水，因肥大蘿蔔勁多水份，所以不用加水煮，見蘿蔔變透明狀態就可以 ，煮完後加入調味、臘味材料拌勻，試味後可再作加減，熄火（臘味材料留部份放糕面裝飾用。點擊圖片放大 +5 3️⃣ 粉漿攪拌再分兩三次倒入，順時針拌炒至杰身，如果太稀，攪拌後可開小火慢煮至杰身就可以。 4️⃣ 膠盤內掃油後可將材料均勻放入盤內，平均放臘味料放糕面。 5️⃣明火蒸50- 60 分鐘，差不多蒸好的蘿蔔糝，再灑上已炒白芝蔴再焗多5 分鐘就搞掂，待涼後先放入雪櫃。💡小貼士💡1️⃣ 7斤蘿蔔（剝皮後），1斤粉（約600g），蘿蔔比例7:1，粉類同水 比例1:1，即600g 粉加600g 水（約4200g）2️⃣ 粉類比例 5:1，粘米粉 5份，粟粉 0.5份，澄麵 0.5份。粉類總gram 數除以6份，如600g，即粘米粉 600g除6x 5=500g，粟粉同澄麵600g除6x1=各50g。蘿蔔剝完皮後可以先磅一磅，再安比例加粉類同水就可以，尼個方法比較容易計算粉同水比例同一定成功整到好味道蘿蔔糕。 喜歡看我煮嘢食，分享旅遊趣事，我的手作，同分享周圍遊同好吃CAFE就Follow Me啦！我的手作IG: Handmade-with fun（@handmadewithfun）• Instagram 相片與影片個人網誌IG: JW_小生活_愛食_愛旅行（@jacko_dailylife）• Instagram 相片與影片個人網誌FB: Jw_小生活_愛食_愛旅行 | Facebook
