去台灣旅行無奶油不吃燒肉,book 了間人氣高質燒肉店 - 屋馬燒肉,尼間真係好掂,食物質數同服務非常之好,佢哋真係好crazy ,不停瘋狂換燒烤網同服務員瘋狂比濕紙巾我地抹手真係超級貼心 🩷。燒肉有套餐同散叫,我見大部份客人都係叫套餐,不過套餐又真係幾抵又多野食,我哋五個人,叫了一個豪華全牛同一個伊比利豬套餐(各二人份量套餐)都已經夠食,因為套餐除咗豬同牛主食,重有前菜,海鮮,粥/飯,甜品同飲品。點擊圖片放大 豪華全牛🐮套餐(兩人份TWN $2780)美國安格斯牛小排/美國韓風大盛小牛排/美國安格斯貝身牛小排/美國安格斯雪紋牛/澳洲牛舌 - 每一款牛都真係好正😊,朋友最like 美國安格斯牛小排同雪紋牛,佢哋話油脂同牛肉味濃郁D,牛舌又好食😋。伊比利豬🐷套餐 (兩人份 TWN $2480)西班牙伊比利豬梅花/西班牙伊比利松阪/西班牙伊比利扇子肉/西班牙厚切伊比利/西班牙原塊伊比利/西班牙伊比利肋條 - 個人最like 西班牙伊比利肋條同厚切伊比利,肉質唔錯👍,點擊圖片放大 前菜屋馬主廚沙律🥗我哋揀了胡麻Caesar 生菜沙律同海藻大根沙律🥗,沙律菜同大根絲清甜又新鮮。點擊圖片放大 韓式泡菜泡菜唔係好酸同少辣,包肉一齊食好夾。海鮮有屋馬精選蝦品/北海道干貝/嚴選黑潮軟絲/鹽漬挪威鯖魚 (四選二)我哋叫咗蝦同北海道干貝 - 蝦新鮮又爽口,北海道干貝都好食。點擊圖片放大 套餐配飯🍚 ,可以加錢配粥,我哋加咗一份吃豪華海鮮粥(TWN 400) - 呢個粥十分推介大家一定要加錢,因為真係好好食,真材實料,粥入面有好多材料,有貝柱,元氣鮑魚,蝦,蜆肉等等,海鮮味非常濃郁同粥很鮮味,好得。 重有無限供應的雞湯,聖誕期間去台中剛巧遇寒流,飲個熱雞湯真係好暖胃同埋超好飲,很香雞味,又有螺頭味,正👍。甜品可以揀軟雪糕🍦同雪耳蓮子百合糖水。 整體我覺得豬/牛肉品質好,價格都算合理,推薦一定要加錢豪華海鮮粥,真的很好吃,環境也很舒適,服務員會幫手烤蝦,烤好還會幫忙剝好蝦殼,真係好好service,這點非常貼心。呢間是人氣店,記得book 位,可以在google map 訂咗位,非常方便,去到等一陣就有位。🔸屋馬燒肉 🔸📍台中市西區公益路111號(園邸店)⏰11:00-00:00☎️+886423013000喜歡看我煮嘢食, 分享旅遊點滴,周圍食,我的手作,同分享周圍遊同好吃CAFE就Follow Me啦❤️我的手作IG: Handmade-with fun(@handmadewithfun)• Instagram 相片與影片個人網誌IG: JW_小生活_愛食_愛旅行(@jacko_dailylife)• Instagram 相片與影片個人網誌FB: Jw_小生活_愛食_愛旅行 | Facebook