呢間人氣空中花園的Cafe 位於旺角上海街618號頂樓,有室內同室外露天茶座,坐得舒服,同埋而家天氣又唔係好凍坐戶外幾有feel,有個雀籠打卡位同埋就嚟聖誕節🧑🎄,有聖誕🎄同聖誕燈飾幾有氣氛。點擊圖片放大 +4 一汁三菜便當 🍱 $150Cafe 的招牌菜式,見差不多每枱都有order. 有開胃前菜、慢煮蛋、鰹魚昆布茶高湯、日本穀米杞子醬油炊飯,熱焙茶(烘焙過的綠茶🍵)主菜有六款選擇,有雞,鯖魚,漢堡扒,鰻魚同蔬菜類可以選,我哋就揀了大板燒風味黑椒烤雞塊配牛油野菜同高野豆腐豆乳野菜卷配櫻花蝦。大板燒風味黑椒烤雞塊配牛油野菜黑椒烤雞味道香濃,好juicy,大板燒野菜餅正,mix 埋一齊食,好夾呀。 野豆腐豆乳豚肉野菜卷配櫻花蝦🦐豆乳香、豚肉、野菜帶來了豐富的口感,加了櫻花蝦增加了海鮮風味,令整個便當更加豐富。 店員送餐的時候會送上小木牌,教我哋要點樣食係最佳食用步驟,好貼心,先吃一口杞子醬油飯,感受一下飯的味道,之後再將高湯倒一半進飯內同開胃前菜及慢煮蛋倒進飯內品嘗,味道真係very good ,最後再將剩餘的高湯倒進飯內,配以主食一齊食,味道同層次都非常豐富。不過菜式配搭較輕盈,女生吃的份量剛好,男生的話可能會略嫌不夠。伯爵茶班戟 🥞 $108班戟底用了伯爵茶去做,有淡淡的伯爵茶的味道,同平時食落有空氣感的班戟有些不同,口感比較結實,但切落去pancake 夠曬鬆軟,中間有麻薯 ,好煙靭,配埋雲呢拿雪糕同新鮮香蕉🍌同生果一齊食,好perfect ,重點唔甜的,賣相都唔錯👍,份量就一般同價錢偏貴。 📍蟲二(旺角)📍旺角上海街618號頂樓喜歡看我煮嘢食, 分享旅遊點滴,周圍食,我的手作,同分享周圍遊同好吃CAFE就Follow Me啦❤️我的手作IG: Handmade-with fun(@handmadewithfun)• Instagram 相片與影片個人網誌IG: JW_小生活_愛食_愛旅行(@jacko_dailylife)• Instagram 相片與影片個人網誌FB: Jw_小生活_愛食_愛旅行 | Facebook