呢間大埔人氣滷水店由兩個九十後情侶接手,以新派經營方法去演繹傳統滷水美食,價錢不算太貴,食品質數高質,高性價比👍。有全日套餐同散叫,全日套餐都幾抵食,又多款式選擇,有雞,滷水鵝/鴨,豬,牛同滷肉套餐,重有四款小食可以揀 - 糖脆炒花生魚仔,川椒蓮藕丁,家鄉甜酸菜同爽脆醃蘿蔔,真係梗有一款啱你。 招牌滷水獅頭鵝定食套餐 ($65)可以叫揀配白飯,潮州白粥,鮮鵝油撈麵或手工雞湯麵🍜我就揀了配手工雞湯麵🍜同川椒蓮藕丁,個手工雞湯麵🍜都幾大份,湯麵爽滑又彈牙,川椒蓮藕丁都幾麻香有少少辣同爽脆,個人幾喜歡💕。招牌滷水獅頭鵝,鵝肉肉質嫩口,滷水汁調味香濃又鹹甜,連骨都滷得非常入味👅。滷水鵝腸 (加$19)滷水鵝腸一樣滷得非常入味,有少許銀牙,鵝腸好爽口,正👍。百香果清香烏龍茶 (加$8)略甜同味道一般。點擊圖片放大 +3 師傅刀工好犀利,見到佢切得好輕鬆😌。點擊圖片放大 +2 榕基滷水專門店 1992 (大埔)大埔廣福道97-99號地舖 喜歡看我煮嘢食, 分享旅遊點滴,周圍食,我的手作,同分享周圍遊同好吃CAFE就Follow Me啦❤️我的手作IG: Handmade-with fun(@handmadewithfun)• Instagram 相片與影片個人網誌IG: JW_小生活_愛食_愛旅行(@jacko_dailylife)• Instagram 相片與影片個人網誌FB: Jw_小生活_愛食_愛旅行 | Facebook