上星期日返大陸食好西，其中一個好想食就係「北京羲和雅苑烤鴨坊」，疫情前過吃好食，今次再食都一樣咁好味道，而家香港都有分店，但價錢就貴少少🤏。烤鴨🦆配八寶盒 （RMB 188 半隻）北京烤鴨真係名不虛傳，烤得酥酥脆脆，師傅現場片鴨，切成鴨胸皮、鴨胸肉及鴨腿肉同鴨翅磅，鴨頭，同最滑鴨肉，油亮亮的鴨皮。首先吃鴨皮連著薄薄的一層鴨肉，入口即溶化，配埋爆炸糖在口內噼噼啪啪，食法好搞鬼，不過味道又出奇的夾得來。之後吃鴨胸肉，鴨肉嫩滑又juicy ，很香濃鴨的味道，點上自家製酸酸甜甜的芥末醬來吃，真係無得輸。第三吃鴨腿肉，將鴨腿肉放在熱辣辣的薄餅上，點些甜醬，京葱絲，青瓜卷埋一齊食，鴨肉質有彈性，油脂感十足，真係份外磁味。朋友話鴨頭，鴨翅磅都很香鴨的味道，我就朋友吃了最滑鴨肉😊，吃完鴨肉，吃片山渣片可以解油腻。點擊圖片放大 +4 椒鹽鴨架（加RMB 15）炸到金黃色的鴨架，配上椒鹽，有點像鹹酥雞的感覺，很惹味，好有咬口。除咗椒鹽鴨架，可以揀鴨湯就不用加錢，不過我哋想試椒鹽鴨架。 舟山海哲頭 （RMB 68）其實早幾日先喺香港食過依個菜式，但朋友都想試吓，又試吓，這邊做法有點不同，用了黑醋調味海蜇頭，很香黑醋味道，海蜇頭好爽脆。 海膽豆腐 （RMB 55）菜式雖然簡單，但係味道非常好，豆腐好滑，入口即溶，加埋海膽一齊食Yummy Yummy。 肉末蝦米脆黄瓜🥒 （RMB 56）依個小菜有驚喜，用了肉碎蝦米炒的小黃瓜，估唔到可以炒到小黃瓜咁脆口，無論熱辣辣同凍咗食都一樣咁脆口，好好味🤤。 埋單人仔400 左右，真係好抵食，好難怪每逢六日假期都咁多人北上搵食😗。我哋17:40 去到，不用等位，食第一輪晚餐。北京羲和雅苑烤鴨坊(萬象天地店)📍深南大道9668号万象天地2層 SL257号（地鐵新高園站A 出口行3-4 分鐘）⏰ Mon to Sun : 11:00-14:30 & 17:00-21:30喜歡看我煮嘢食, 分享旅遊點滴，周圍食，我的手作,同分享周圍遊同好吃CAFE就Follow Me啦❤️我的手作IG: Handmade-with fun（@handmadewithfun）• Instagram 相片與影片個人網誌IG: JW_小生活_愛食_愛旅行（@jacko_dailylife）• Instagram 相片與影片個人網誌FB: Jw_小生活_愛食_愛旅行 | Facebook
