每次去韓國都會食醬油蟹，今次都唔例外，三年冇食過，今次去了之很想去「真味飯堂」，尼間都係由2017 到2024 年連續7年拿了米芝蓮同當地很多美食家推介小店，地點在位於兒嶺站同孔德站附近。呢間比較地道同家庭式feel 的小店，沒有華麗裝修，同埋記得打電話預約，我就三星期前係香港直接打電話比小店預約，我都唔識韓文，我用英文同佢溝通想約邊日同時間，店員會再講多次日期，時間同問你的名字，好開心book 到去食。 醬油蟹🦀️套餐 45000 won/ 人餐廳沒有餐牌的，因為只有一道菜，入座後職員會按照人數上菜。 套餐除了重點醬油蟹🦀️，重有韓式小菜 - 醬汁蓮藕，泡菜，辣醬魷魚，炒大豆芽，翠玉瓜等等，蒸蛋同花蟹醬湯。每隻醬油蟹都滿滿的蟹黄，很爆膏🤤，蟹膏很鮮味又甜，蟹肉質新鮮又結實，入口還有醬油的清香，醬油味不會太鹹，個人比起江南那兩家同大醬房淡味一點，用來配飯吃加紫菜包起來真係不得了。蒸蛋記得要趁熱吃，小菜幾喜歡醬汁蓮藕同辣醬魷魚。紫菜有兩款，其中一款為甘苔，食落比一般多層甘味，烘烤味道重，我都係比較喜歡普通紫菜多啲🤭。點擊圖片放大 +5 真味飯店 진미식당📍서울 마포구 마포대로 186-6📍https://naver.me/xoKEiIJO⏰營業時間: 12:00 to 15:30, 1700 to20:00，星期日休息日，記得要預約📞 02-3211-4468📍 地鐵5號線兒嶺站(애오개역)4號出口，一路直走步行大約300 米6 -7分鐘左右，係加油站旁邊的巷子口，再行入去就見到佢地真味招牌，我用naver map 好準確就搵到
