冇下雨就好鬼熱下，有時都唔想食飯，煲個靚湯飲下，係街市買咗兩舊冬瓜，$10 幾抵，用咗蝦米/乾瑤柱及蜆肉乾一齊煲，味道又唔錯喎，好過煲瘦肉添，大家有冇試過呢？材料：1️⃣ 薑片 幾片2️⃣ 蒜頭 幾粒3️⃣ 蝦米 適量4️⃣ 乾瑤柱 五至六粒5️⃣ 蜆肉乾 適量6️⃣ 冬瓜 兩大舊 做法：1️⃣ 薑同蒜頭洗淨切片備用。2️⃣ 蝦米/乾瑤柱 /蜆肉乾 先用水沖一沖，再用溫水浸30 分鐘，乾瑤柱要浸至軟身再沖水備用，乾瑤柱可以整散少少，記得留返浸蝦米/乾瑤柱 /蜆肉水備用，3️⃣ 冬瓜去皮洗淨後切大片備用。4️⃣ 開火加少許油先把薑及蒜片先下鑊炒香，再加𧎚米，乾瑤柱及蜆肉乾再炒，炒至乾身再加冬瓜一齊炒，炒一陣先加之前蝦米/乾瑤柱 /蜆肉水及再加水煲至滾起，滾起後煲30-35分鐘就可以飲到好味冬瓜湯，味道清甜又鮮味。點擊圖片放大 +6 喜歡看我煮嘢食, 分享旅遊點滴，周圍食，我的手作,同分享周圍遊同好吃CAFE就Follow Me啦❤️我的手作IG: Handmade-with fun（@handmadewithfun）• Instagram 相片與影片個人網誌IG: JW_小生活_愛食_愛旅行（@jacko_dailylife）• Instagram 相片與影片個人網誌FB: Jw_小生活_愛食_愛旅行 | Facebook
